السلام عليكم اخواتي
مع حلول فصل الصيف كامل نحبو حاجة باردة فاليكن حبيباتي هذه التارت للطباخة المغربية شميشة (لنحبها بزاف والحمد لله مجربة العديد من وصفاتها الرائعة وناجحة معايا )ونتمنى انها تنال اعجابكم انتم ايضا.
اولا نحضرو الكيك وفيه.
-2بيض +100غ سكر +شوية فاني +قرصة ملح نخلط مليح بالفوي ثم نضيف علبة ياغورت فاني ونخلط+100مل زيت ونخلط (الوصفة فيها 200غ فرينة )انا استعملت حوالي 180غ + 1خميرة كيميائية وخلطت الكل جيدا ثم اخذت سنية الفرن(32على 30المهم لازم تجي رقيقة كيما بسكوي رولي) وغلفتها بورق الالمنيوم ودهنتو بشوية زيت وفرغت الخليط وسقمتو شوية بالسباتول ودرتو يطيب في فرن مسخن مسبقا 180°حوالي 20د.
-نوجدو كرام بتسيار باي وصفة معتمدينها انا موالفة ندير نتاع حورية المطبخ راااااااائعة (وهدا المرة درت الجاهزة ذوق بنان)ونتركها تبرد.
-بعد ماطيب التارت وتبرد نقطعها دائرية على حساب القالب لريحين نستعملوه (انا درت النوع ليتفتح باش يسهلي المهمة)ثم نضيف لكرام بتيسيار (تقدري تديريها فla poche à douilleباش تجيك ساهلة)ثم نديرو قطع البنان ثم نوجدوا الفلن-
(في الوصفة علبة فلن شكولا+250مل عصير البرتقال+2مغارف كبار سكر)انا ماكانش عندي عصير البرتقال درت فلن عادي علبة فلن شكولا نوارة +نص لترا حليب طيبتو بضع دقائق وخليتو برد شوية ثم نفرغوه ونديروه يبرد مليح ونشبحوه كيما نحبو وبصحة والعافية على قلوبكم
ميرسييييييييييييييييييي
و أنا أيضا اعملها كثيرا خاصة في سهرات رمضان و زوجي يحبها بزاف
يعطيك الصحة
تهبل والله تشهي ووصفة سهلة فيها خطوات لكن مليحة
سؤالي طيبت الفلان في عصير البرتقال مع السكر و تبرديه شوية و مبعد تحطيه فوق كريمة الباتسيارهكدا؟؟؟؟
شكراااااااااااا ليك حبيبتي
[/align]
عيونك لتهبل حبيبتي zarra duffومنورة بردك الطيب 