الاول قاطو رولي بالنيتيلا
المقادير
250 زبدة بوماد + نص كاس سكر رطب + نص كاس زيت + نص كاس حليب و لمي لعجينة بالفرينة
للحشو شيكولا تاع الخبز NUTELLA وللا funetti اي نوع متوفر عندك
للتزيين
عسل دافي و قاطو بيمو مرحي
اخدمي الزبدة مليح مع السكر ضيفيلها باقي المكونات
بعد ما تلمي بالفرينة تكون عجينة طرية
حلليها بالحلالة رقيقة و ديري مربعات
ادهني كل مربع بالشوكولا خللي شوي فراغ في الجوانب باه كي تغلقيها ما تخرجش الشوكولا
اطوي المربع على نفسو مرتين برك باه ما تبقاش معجنة من الداخل
اغلقي الجوانب بايدك مليح باه ما تخرجش الشوكولا
دخليه لفور يطيب على نارذليلة
وجدي العسل الدافي اغطسيه فيه بعد الطياب
غير يقطر شوي رمديه في قاطو بيمو مريحي
وهادا شكلو الاخير
يجي خفيف و ريحة الشوكولا دايرا حالة
و قاطو les castelles
نسيت ما صورتش المراحل حتان خلصت باه فقت 
المهم المقادير
5 بياض بيض + 400 سكر احرش + شوي كارامال او قنجان قهوة طايبة + رطل كوكاو مقلي و مرحي *بقشورو* ننقصو شوي كوكاو للتزيين+ 250 فرينة + 1 و نص خميرة
نطلعو البياض مع السكر مليح و من بعد نزيدو المكونات الاخرى ندهنو البلاطو بشوي زبدة و نفرشو الخليط و نسوويوه مليح باه يجي قدقد في الحجم ندخلوه يطيب و نوجدو الكريمة
للكريمة
باطة زبدة ستار + نص باط عسل صغير + 5 ملاعق كبيرة سطر رطب + 3 شكاير صغار تاع نسكافي مذوبين في شوي ما دافي و ما نكثروش الما بزاف نخدموهم بالروبو باه يصمهم مليح مش كيما الباتور
بعد ما يطيب نقصو الحواشي يكونو شوي يابسين نرابيوهم و نزيدو معاهم شوي كوكاو مرحي اللي كننا نحيناه من قبيل
بعد ما يبرد ندهنو البلاطو بالكريمة و نذريو فوقو الكوكاو اللي زدنالو الحواشي المرحيين
وهادا شكلو النهائي
ربي يجازيك كل خير
يعطيك الصحة
بارك الله فيك
في انتظار جديدك دائما معنا
عجبوني بزاف خصوصا تاع الشيكولا