نتيجة لسوء التفاهم الذي حصل في مسابقة كيكة حواء الجزائر
قررت نفتح هاذ الموضوع باش نحلو المشكل بيناتنا بلا ما ندخلو الادارة ( اللي فيها يكفيها )
الشيء اللي صرا في المسابقة ماهوش قليل البعض تم التصويت لهم بالفيسبوك و البعض سجلو باسماء جديدة فقط للتصويت
و هاذ الشيء مرفوض على هاذا تم حذف هذه الاصوات
بقانا مشكل الرسائل
الاخت جديدة و ماتعرفش قامت بارسال الرسائل باش يصوتولها عادي مش مرفوض
لكن حنا بغينا التارت الافضل هي اللي تفوز و ليس الفوز بدافع الصداقة
حتى وحدة ما ترضى بهاذ الشيء و يعتبر انتهاك لحقوق البقية
و باش مانغيضو حتى وحدة نطلب من كل وحدة تقولنا رايها
و ماهو الحل
هل تترك النتيجة كما هي ؟ ام تحذف الاصوات التي صوتت من خلال الرسائل التي تم بعثها ؟
انتم تحكمون الان
رجاءا بدون تجريح الرد اللي نجد فيه تجريح لاي مشتركة يتم حذفه
تقبلو مني فائق الشكر و الاحترام
هذا الموضوع مفتوح الى غاية غدا مساءا
حبيبتي الكيكات ماشاء الله عندك الحق الواحد يصوت للكيك الافضل لا لدافع الصداقة انا اطلب من اخواتي منو جاي دايما نصوتو على الشيء اللي يعجبنا نخليو الصداقة على جنب والله احترت انا نخلي الاخوات واش يقررو واش قالو راني معاهم
مالازمش كل وحدة تخلي راي تقول نخليها للبقية
لازم الكل يعطينا وجهة نظر
باش نعرفو شانديرو
التصويت يكون لافضل كيكة وليس بدافع الصداقة وباه ما تنظلم حتى وحدة انا من رايي ينعاد التصويت احسن
تبانلي ولو صوتو بالفايسبوك عادي
رسائل نورمال
المهم انه كل وحدة تصوت للافضل بريها بعيدا عن كل الاسماء
والراي راي الاغلبية طبعاا
وانا في رايي اللي تصوت تقول تم التصويت باه هاكا مايكونش غش انا هاكا يبالي وانتم واش رايكم
المهم حبيبتي أم يوسف لوكان تحذف مشاركة الأخت اللي بعتت الرسائل هكدا باش كل عضوة تحاول تعيد الكرة تتذكر واش صرا للي قبلها وهكذا ياخدو درس
راي انو ينعاد التصويت ودائما يكون التصويت للافصل ولصوتت تعمل تم التصويت
وهدا الفايسبوك ورسائل الخاصة وين راهي النزاهة في هدا
انا في راي يعاد طبعا التصويت والا تحدف العضوة اللي قامت بهدا الشيء
كيف نعرفك نصوت لك
مانعرفكش مانصوت
وعلاش لو كان من اولى كان اسم العضوة اللي شاركت في المسابقة غير ظاهر حتي تعلن عن نتائج المسابقة
لازم يعاد النظر في الوصفة كاملة ويين راكم يافنانات الطبخ
الكيكة تتعمل بلجينواز ولكرام وين راهي لجينواز تبقى علامات الاستفهام
وليس لالشكل فقط شوفوا مقادير الوصفة ولكرام المستعملة ثم الديكور
هكدا تكون الوصفة جميلة ودوقها صحيح وتكون مرجع للبنات اللي يحبوا يعملوا مثلها
ربي يقدركم
او بالسماح للفائزة عادي البنت حبت يصوتولها برك موفقين جميعا وكلكم فائزات يا احلى اخوات