واش يحطو في في تبق العروسة 2024.

السلام عليكم ور حمة الله و بركاته

خطوبة اخي تكون بادن الله يوم الجمعة المقبل ان شاء الله ..لكن بما انو اول اعراس عايلتنا ..والله تلفتلنا واش ندولها مع الخاتم يعني من غير دوزان الحنة واش ندو في التبق او الفاليزة..
ارجو مساعدتكم في القريب العاجل..خاصة من ناس العاصمة ..البليدة ..تيبازة..عين الدفلى…

وجازاكم الله كل خير

السلام عليك
ربي يكمل بالخير
هل هي خطوبة آم حنة ؟
لآن حنا مندوش في الخطوبة حتى كي نبغو نديرو للعروسة الحنة ندو التبق و لا كيما نقولو السني ديرو فيه لبسة تقليدية + سباط و بوشات + حزامة + دوبياس + ملاية + سباط و بوشات نتاع الخرجة + نويزات + كوسميتيك + حوايج الحنة + لبسة نتاع الخرجة ( هذي تقريبا ماشي قاع يديروها )
عطيتك عادات وهران و إن شاء الله البقية يساعدوك

شكرا ليكم خياتي

انا متزوجة في الشمال الغربي عدنا تعمل العروس حفلة نسموها الحنة يجو اهل العريس يلبسوها الخاتم و يديرولها الحنة في يدها اليمنى …و تعرض حبابها …اهل العريس جابولي سلة فيها les parfumsو الكوسميتيك …ماكياج شمبوان صابون روايح ….مرآة …و فاليزا فيها ملابس ..قفطان و ملاءة و حذاء ; و بوشات و ملابس داخلية تتبع لون القفطان و نويزات و robe de chambre بلا ما ننسى الحنة و الشمع و اكسسوارات لتثبيت الحنة على شكل وردة بالدونتال…طبعا مايختلفوش علينا في الصحراء

ألف مبروك لأخوك وربي يهنيه احنا عندنا الخطبة ولا نقولولها الفيونساي والعرس وحدو وعاداتنا تختلف عن عادات الغرب فالفيونساي يمدو دراهم الشرط و يدو التبق وكل واحد ومقدورو مي كلهم تقريبا متشابهين:الفاليزة مع المالات تاعها ندوفيها أونسومبل أو منصورية ،سباط ولا صندال ،ملابس داخلية ،نويزات ،ملاية ولا حجاب،سرابت،وحوايج الكوسمتيك روايح ديودوغون ماكياج شمبوان جال دوش

أهل العاصمة و ضواحيها :
ديزابيي و البليغة تاعوا, ملابس داخلية , قطع القماش , عباءة , مثلا 2 أحذية مع لبوشات تاعهم , علبة مكياج , عطور , صابون , طقم لكوافاز , دراجي . طقم الذهب , النقود تاع المهر
ممكن الانسان يزيد ملابس أو تايور لكن كل عروس وذوقها يفضل قطع قماش لخياطته حسب الرغبة تاعها

ا