هل ممكن الولادة طبيعي بعد القيصري بنجاح 2024.

أنا نفسي أسأل هذا السؤال لحبيباتي وأرجو الرد عليا
هل من الممكن أن ألد الولادة الثانية طبيعي بعد ولادة قصيرية
أنا أتنمى هذا ﻷني تعبت كتيييير ف القيصرية المرة اﻷولى نفسيا وجسمانيا وعصبيا
المهم هل ممكن يحدث لي هذا وإيه هى المحاذير اللي ممكن اتجنبها
ﻷني أعرف أخت من فرنسا بين البيبي اﻷول والثاني 9 أشهر فقط
ف البيبي اﻷول لم يفتح المكان فوضعت قيصري لكن ف المرة الثانية أصرت والحمد لله وضعت بفضله ومنه طبيعي

أنا كان عندي ضيق في الحوض
فأرجو من حدث لها ونجح الأمر تخبرني بارك الله فيكن اخواتي وحبيباتي

السلام عليكم و رحمة الله تعالى و بركاته
نعم ممكن جدا أنا عندي بنت خالتي الأول بالعملية القيصرية و الثاني زاد عندو 15 يوم زيادة طبيعية و راهي هايلة
ربي يسهلك اختي

شكرا حبيبتي على ردك ربي يعطيك ما تتمناي

الله يسلمك العفو بلا مزية و ربي يرزقك بالذرية الصالحة و يسرلك امورك

نعم من الممكن ان تلدي ولادة طبيعية حتى لو كانت الولادة الاولى قيصرية فاعرف كثيرا من النساء ولدن طبيعيا بعد القيصرية
ربي يسهلك الي فيه الخير

نعم ممكن تولدي ولادة طبيعية,فقط انتبهي لوزن الجنين,كي لايسمن كثيرا,ربي اسهلك ان شاء الله,حتى انيا راني حامل ادعي لي معاكي.اربي يسهل

انشالله حبيبتي ام الاء شكرا لمرورك
لوسي ربي يسهلك و يرزقك الذرية الصالحة يا رب شكرا لمرورك

أنا نعرف وحدة ولدت البيبي الأول ديالها قيصرية و قالتلها الطبيبة لازم على الأقل عامين ما ترفديش، و قبل ما يكمل وليدها عامه الأول حملت و ولدت طبييييييييييييييييعي و حتى ما دارولهاش شق العجان
ما تخافيش أختي ربي يسهلك أنت و قاع الحوامل و أمانة ادعيلي بالولد الصالح، دعاء الحامل مقبول إن شاء الله

اهلا زهرة اميرتنا الحلوة
القيصرية انواع على حسب ما قاتلي الطبيبة شوفي حبيبتي انا ولدت وليدي الاول قيصري و قالي الجراح لازم تبقاي مدة 3 سنوات باش الجرح يبر و كان كذلك بعدها ولدت طبيعي و الحمد لله
هذي بعض النصائح
لازم الام و البيبي ما يزيدش وزنهم بزاف
اما في الشهر الاخير يعني قبل موعد الولادة المحتمل لازم تمشي كل يوم و ما تكثريش القعاد
حاولي تشربي السوائل عصائر الفواكه الطازجة الماء و التيزانا بزاف و الا حسيتي بالسطر في ظهرك اشربي تيزانا و ديرلها العسل الحر بدل السكر مع مغرفة صغيرة قرفة رايحة تسهلك الولادة ان شاء الله
اما لا سمح الله و قالك الطبيب رايحة تولدي قيصري متنخلعيش و سلمي امرك لله المهم تنجح العملية و ترجعلنا بالسلامة يا رب
حبيبتي زهورة سمحيلي طولت عليك ولادة ميسرة باذن الله

نعم حبيبتي زهرة من الممكن انك تلدي طبيعي صديقتي ولدت الاول فورسابس والثاني قيصرية والثالث طبيعي وراهي لاباس عليها ما تخافيش

بيناتنا انا ثاني راني خايفة نزيد لاني ولدت قيصري بنتي في عمرها عامين وشهرين وراني خايفة

حنا ندعيو ربي يسهل لنا