هاد المول رائع وياريت تجربوها والسر فالكريمة لكتعطيها واحد اللمعان رااائع ومداق اررررروع
المقادير
نحتاجو ل
5 بيضات
1كاس سكر
1كاس زيت
فاني
2 معالق كبار كاكاو
نصف كأس الزبيب
كاس كركاع مدشش الكركاع
2 خميرات الحلوى نوفا
نصف ملعق بكاربونات
شوية قرفة لتعطير
2 كيسان فرينة
للتزيين
100 جرام شكلاط اسود+2 معالق كبار كاكاو +ملعقة صغيرة زبدة
الطريقة
نخدم البيض
تم نضيف السكر والفاني شويا بشويا ومانوقفوش تظراب
تم نضيف الزيت تم نضيف كاكاو ومانوقفوش تطراب
واخيراااا نضيف الخمارات والفرينة ونخدمو كولشي مع بعض علينا التظراب
وناخد ملعقة نم نضيف الزبيب والكركاع ونحركو الخليط بملعقة تم نسكب الخليط فمول مدهونة بالزبدة ومرشوشة بالفرينة وندخلوها الفران طيب ملي توجد نخليو الكيك يبرد تم نبداو نصاوبو الكريمة ناخدو الشكلاط الاسود ندوبوه مع ملعقة صغيرة زبدة فحمام مريم ونحركو والكاكاو فشي جبانية اخرى وملي يدوب الشكلاط نضيفوه مازال سخون والفاني ونحركو كولشي انا دهنتها وزوقتها من الفوق بالكركاع او باي حإجة بغيتو انا زوقتها بطريقتي نخليكوم مع الصور
