معاناتي مع تكيس المبايض 2024.

السلام عليكم اخواتي حواء الجزائر دخلت قسم العيادة الطبية و اول حاجة لفتت انتباهي هي وضوع الاخت ام بيسو حفظها الله الا وهو ارتفاع هرمون الذكورة عند النساء حبيت نرد بالصح لقيت عندي كلام كثير حابا نقولو ومن بعد قلت لروحي نديرو موضوع ممكن يفيد السيدات وحبيت نقول بان هذه المعلومات الطبية لازم الناس كامل يعرفوها باه يكون لدينا وعي بهذه الامراض و خاصة مرض تكيس المبايض اللي هو مرض خطير اذا كانت المصابة به تعاني من السمنة مثلي انا لهذا انا حبيت نحكي معاناتي و نقول باللي انا كنت ضحية الجهل الطبي لدى الاولياء لانو كيما جاني المرض كان عمري 17 سنة نبتلي شعر في وجهي واصبحت عندي لحية عافاكم الله منظرها مقرف و تغير شكل جسمي و اصبح لدي جسم كظري يشبه جسم الرجل و انقطع عني الحيض لمدة 7 اشهر و سبب هذا المرض في حالتي انا هو حقنة solu-médrol و ما عالجتش في بداية المرض بسبب الجهل الطبي كيما قلتلكم و ما زلت اعاني حتى يومنا هذا
الطبيب يقولي ديري ريجيم و sport و اشربي les comprimés GLUCOPHAGE 850mg بالصح ما قدرتلهاش خاطرش غالية بزاف 700 الف
و la pellule Diane 35 وهذا هو العلاج بالنسبة اليه لان هذا المرض:
تكيس المبايض او تناذر شتاين- لوفنتول
Syndrome de Stein-Leventhal

لان هذا المرض غير معروف و مجهول السبب حابة الناس كامل يعرفوه باه كي يشوفو وحدة في وجها الشعر ما يتخلعوش خاطرش انا تعقدت من هاذيك الخلعة نتاع الناس و كاينين ناس ما يخافوش ربي يضحكوا وما يقولوش ربي يسترنا

المهم اخواتي باه اي وحدة منكم عندها بنتها ولا اختها ولا اي قريبة في بداية سن المراهقة و بدات تظهر عليها تغيرات كيما اللي تحدثت عليها تزرب تديها ل الطبيب قبل ما يضيع صغرها كيما انا

و اتمنى للجميع صحة جيدة و اتهلاو في رواحكم

شكرا اختي على المعلومات المفيدة

جزاك الله خيرا على الافادة وربي يشفيك ان شاء الله

بارك الله فيك اختي على الافادة
ربي يشفيك

سلام اختي
انا تاني راني نعاني من تكيس المبايض … اكشفتو عندي مند 6 اشهر بصح لم تظهر ابدا عندي الاعراض تاع الذكورة
والعادة عندي منتظمة ……..
بصح الطبيب قالي هي اكياس وظيفية ووصفلي ادوية مانعة للحمل ..لدا المفروض بلا اعراض المراة لازم تدير فحوص دورية

جزاك الله خيرا اختي
وربي يشفيك

السلام عليك أختي، أنا تاني نعاني من تكيس المبايض بلاما يكون عندي الشعر كيما قلتي بضح الدورة ماشي منتظمة ووزني زااااااااااااااااااااايد بزاف ربي يحيبلنا الشفا حبيت نسقسيك هذا المرض عندو أعراض تمنع الحمل؟؟؟؟ظ وما يخليكش تولدي ولاعادي وشكرا.

السلام عليكم ورحمة الله تعالى و بركاته

مشكورة أختي على المعلومة وربي يشفيك ويشفي كل أخت تعاني من أي مرض ولا تيأسو من رحمة الله ولكل داء دواء
أنا عندي وصفة قالولي لأي كيس في أي مكان من جسم الإنسان جربوها لعل يجعل ربي فيها الشفاء

3 ملاعق نخالة في كوب حليب البقرة كل صباح على الريق و الشافي ربي
إن شاء الله ربي يشافيكم كامل

اكيد عزيزتي ما دام كاين تكيس كاين عقم مؤقت يحدث الحمل بعد العلاج و اول حاجة هي انقاص الوزن ضروري جدا و ربي يشفيك و يشفيني و يشفي جميع مرضى المسلمين

الله يشفيك اختي فيض المحبة وييسر امرك ان شاء الله
ولكن كيفاش تعرفي ايلا راكي مصابة ةلالا من دون تغير الجسم