مسمن الوردة معمر 2024.

السلام عليكم حنونات عملت مسيمنات الوردة معمرين وحبيت نزلهم لكم اتمنى يعجبوكم.
اول شيء المقادير:1 كيلو فرينة +14 غ خميرة+2 معالق زيت او زبدة+3 معالق خل+ ماء دافئ للعجن.
نعجنوه مليح ونعملوه في بلاستيكة حتى يرتاح ويسهل العمل به تم نبداو نعملوا كويرات عاديين بحال المسمن تم نبسطوهم بواسطة الزبدة مخلطة مع الزيت ونجمعوهم بحال الظرف كما العادة ونعملوا وحدة وسط وحدة حتى نكمل العجين نكونوا وجدنا الحشو ونضع كمية منه داخل المسيمنة ونجمع الجنب مع الجنب المقابل له ونضع حبة زيتون وندهنهم بالبيض وندخلهم الفرن.

بالنسبة للحشو انا استعملت حبة بصل في مقلاة حتى ذبلت ثم ضفت لها فلفل حلو مقطع وجزرة محكوكة غليضة ثم ضفت الشامبينيو والملح والابزار وشوية ثوم مرحي وربيع وملعقة كبيرة طماطم مصبرة.من بعد نطفي النار ضفت لها علبة تونا وشوية شعرية صينية وهريسة.جات بنينة .وكل واحد واش يحب وحسب الموجود في البيت.

سلمت. يداك و بصحتك . اريد ان أسالك هل وضعتي. الخل في العجينة؟

ايه الحبيبة هذاك الخل هو اللي يخلي العجينة تجي مورقة منين تطيب.على فكرة الصور ماخرجتش مزيانة والله كي تذوقيه تقولي عاملاه بالعجين المورق.
الله يعطيك الصحة وتسلمي لي حنونة

شكرًا ربي يعطيك ماتتمناي

خرجولك يهبلوا دوك نسييها

ما هو الابزار

ياربي امين انا وانت وكل المسلمين.
من عيوني الحبيبة

تسلمي حبيبتي .جربيها واكيد راح تعجبك .والابزار هو الفلفل الكحل هههههه
اذا جربتيها ردي لي بالخبار عنداك تنساي

مممممممممممممم شهيتوني