مساء الورد والفل والياسمين يا البنات انا حبيتكم تساعدوني باه نولي نطير في الكسرة ولا كيما يقولوا الرخساس نخدموا ماشي مانخدموش بصح خطرات يجيني هايل وخطرات تجيني ماشي طرية بزاف حبيت احراير يعاونوني بالوصفة المعتمدة .
راني نقصد الي ياكلوا بيها تاع الشرق الشوربة 
راني نقصد الي ياكلوا بيها تاع الشرق الشوربة
وربي في هاد الايام المباركة يفرحكم قاااااااااااااع ويفرج عليكم يااااااااااااااااااااااارب
الله يعطيك ما تتمناي على دعوتك ربي يبارك فيك ختي
اما بالنسبة للكسرة اعجنيها مليح بررك مفيها حتى حاجه صعيبة مام انا كان عندي نفس مشكل بصح دوكا الحمد لله نعجنها مليح وسيرتو الى كان ماء دافي والله جي تهبل
فهمتيني ماشي تاع الشخشوخة نقصد رخساس ربي يحفظك امالا عطيني طريقتك في الكسرة وربي يخليك حنونتي على الرد
وي عمبالي ماشي شخشوخة
هه لوكان نقولك تضحكي عليا انا مفهمتش واش معناتو رخساس جبت معلومة من قوقل
ما عليه احنا رخساس عندنا هو الكسرة يعني بلا خميرة ياك هذا هو لي تقصدي بيه الرخساس
هه لوكان نقولك تضحكي عليا انا مفهمتش واش معناتو رخساس جبت معلومة من قوقل
ما عليه احنا رخساس عندنا هو الكسرة يعني بلا خميرة ياك هذا هو لي تقصدي بيه الرخساس
السلام عليكم اختي العزيزة الكسرة رخسيس نتاعنا في قسنطينة دواها البسوس كل ماتبسسيها مليح تجي مليح والعجن طبعا لأنها كيما تكون مبسسة تحب العجن طريقتي الخاصة نحط الدقيق الملح والخميرة نتاع الخبز والزيت نكثر حتى تتبسس وتتبل بالماء الدافىء ونخليها ترتاح ومن بعد نعجنها ملييييييييييييييييييييييح ونكورها ونحك نخبز والله الموفق أرجو ان تنجحي في الكيفية
يعطيك الصحه ام غدير
تسما كسرة تاعكم تسموها الرخسيس
تسما كسرة تاعكم تسموها الرخسيس
لكان تقصدي الخسيس : حطي الدقيق و الزيت و الخميرة فيها شوية سكر و بليها بالماء الدافيء و خليها ترتاح مدة 20 د و من بعد أعجنيها و قرصي و طيبي .و بصحة و الهناء.
أما الكسرة المعجونة أو اليابسة يعني اللي طيب في طاجين لمسرح يعني ألي مافيهش الحب: حطي الدقيق و الزيت كتري شوية و شووووووووووووووووووية خميرة و سكر ماش بزاف قلتلك شوية برك و من بعد أعجني و كي تكركبيها ديريله شوية زبدة و أطرحي و طيبي و ماتقويش فالنار نقصي شوية فيها .و كي تقلبيها أنفبيها و من بعد أحكمي طرف مضيف و أضغطي عليها بالشوية و دوري حتى طيبلك حمرة و تجي تقرمش.و بصحتك.
أما الكسرة المعجونة أو اليابسة يعني اللي طيب في طاجين لمسرح يعني ألي مافيهش الحب: حطي الدقيق و الزيت كتري شوية و شووووووووووووووووووية خميرة و سكر ماش بزاف قلتلك شوية برك و من بعد أعجني و كي تكركبيها ديريله شوية زبدة و أطرحي و طيبي و ماتقويش فالنار نقصي شوية فيها .و كي تقلبيها أنفبيها و من بعد أحكمي طرف مضيف و أضغطي عليها بالشوية و دوري حتى طيبلك حمرة و تجي تقرمش.و بصحتك.
احنا تاني في عنابة نفس الشئ وزدت تزوجت في قالمة طريقة وحدة نحط السميد وبسيها بالزيت مليح مش تغرقيها في الزيت وتحطيلها شوية خميرة وملح وبلي ماتكون يابسة وماتكون جارية وخليها ترقد تم اعجنيها مليح وطيبي تجيك كي القاطو واحنا نسميوها كسرة رخسيس
باه نحيو اللخبطة كاين نوعين:
1 كسرة بلا زيت
2كسرة بالزيت
الاولى:
عادي تحطي الدقيق و السر تضيفي نصف كاس فرينة ملح و ماء دافي و تعجني مليح
وباه تجيك محمرة مليح قرسيها بالزيت فقط
النوع الثاني لي يقولولو الرخساس
الدقيق و الغرينة و الملح و 3ملاعق زيت و الماء و تعجني مليح حتر تولي ملساء…
و نزيدك نوع فور بزاف يشربو بيه القهوة
المذكر هذا اسمو
دقيق و ملح و تقريبا نصف كاس زيت و تعجني بالماء راه يجي صعيب و يتفتت بصح اعجني مليح برك..
اارجو ان اكون قد افدتك
1 كسرة بلا زيت
2كسرة بالزيت
الاولى:
عادي تحطي الدقيق و السر تضيفي نصف كاس فرينة ملح و ماء دافي و تعجني مليح
وباه تجيك محمرة مليح قرسيها بالزيت فقط
النوع الثاني لي يقولولو الرخساس
الدقيق و الغرينة و الملح و 3ملاعق زيت و الماء و تعجني مليح حتر تولي ملساء…
و نزيدك نوع فور بزاف يشربو بيه القهوة
المذكر هذا اسمو
دقيق و ملح و تقريبا نصف كاس زيت و تعجني بالماء راه يجي صعيب و يتفتت بصح اعجني مليح برك..
اارجو ان اكون قد افدتك
ولكل استقسارات راني مدايرة دورات في تعليم الحلويات
و دمتم
سلام اختي حنا الرخساس نديروه بالسميد و الزيت و شوية خميرة لخاطر تجي فيه باينة كون تكثري و شوية سكر و بلي بماء دافئ و مترخفيهاش بالماء بزاف تبقى حاكمة روحها و من بعد كوريها و حليها بيدك ولا بالقنوط و نقبيها من حطيها على الطاجين عندنا نتاعوا وحدوا يجي مسطح و زيدي انقبيها من الوجه التاني و كمديها بحاجة نطيفة و دوريها باه طيب كيف كيف اما النوع الثاني نقولوا المطلوع ولا الخميرة نتاع رمضان هاديك تجي بالسميد و تزيدي شوية فرينة تجي خفيفة و زيت و شوية سمن اذا حبيتي و ملح و خميرة هي تحتاج على قداه رايحة ديري باه تطلع و تبليها بماء دافئ ماشي بارد و ماشي سخون لخاطر في 2 يهبطوا لخميرة و تعجنيها مليح من بعد تقسميها و تكوريها تخليها ترتاح مدة من بعد افتحيها بيديك و خليها تزيد تطلع و وجدي الطاجين يسخن و طيبيها و اذا حبيتي كي تكون في الطاجين ادهنيها بصفار البيض و من بعد اقلبي تزيد فيها و تعطيها لون مليه و بالصحة و لهناء.