التحضير: 4كيلات فرينة+رشة ملح+فاني+2خمارة+كيلة زبدة توريق او زبدة عادية تكون طرية حكيها مليح فلفرينة مبعد ديري بيضة وحكي البيضة واقسمي خليط الفرينة على2 قسم خليه بيض ولميه بالحليب حتى تولي عجينة متماسكة وجزء الاخر ديريلو مغرف كاكاو ولميه بالحليب وخليهم يرتاحوا.
مبعد حليهم بالحلال وفوتيهم فلمشينة تاع العجين في رقم2ثم4ثم6 ثم فلاخير تكون رقيقة كيما البقلاوة تتحصلي على اشرطة باللونين الابيض والبني
تحلي الشريط الابيض وتديريلو المايزينة
وتلوي حتى تتحصلي على حربوش وزيري مليح ولسقيه بالحليب باش ميتحلش فلقيان
هذو لحنيفيات باللون الابيض باش تتحصلي عليهم بلونين ديري الشريط الابيض ورشيه بالمايزينة مبعد حطي فوقه الشريط البني ورشي بالمايزينة
ونفس الطريقة لوي حتى تتحصلي على حربوش لسقيه بالحليب ثم قطعيه مقروطات مايلين كل ما تمكيلي التقطيع يجيك الشكل احسن ويتحلوا الورقات
مبعد حلي المقروطات بالحلال الصغير من الاحسن حتى ترقيهم
كملي كل العجينة مبعد لتحليها اقليهم في زيت غزير على نار متوسطة ونتس ترمي عليهم الزيت باش يتحلوا كيما تقلي سفنج مبعد قطريهم وعسليهم ورشيهم بالجلجلان
بقايا العجينة جاتني فكرة درت بيهم قريوش بلونين حبيتكم تشوفوا الفكرة من اختراعي ههههههههه
قريوش الطاجين يجي هايل ذوقو ميتشبعش
العجينة: 1كلغ فرينة+فاني +250غ زبدة طرية حكيها مليح مبعد تحبي تخليه بيض او تلوني نصفو بالكاكاو
من جهة اخرى ديري كاس ما+كاس ماء زهر+رشة ملح+بيضة+مغرف خل ابيض وضربيهم ولمي العجينة واذا قسمتيالعجينة ديريلها مغرف كاكاو ولمي العجينة بخليط الماءزهر كوري العجينة كريات وخليها ترتاح.
مبعد كل كرة حليها بالحلال رقيقة جدا
مبعد ديريها تطيب في طاجين لكبير تاع لمسمن متطيبش غير تنشف فقط على نار قليلة جدا ديريها من جهة تنشف مبعد اقلبيها ثمثم قيس ما تنشف متطيبيهاش
مبعد لويها حربوش وزيري وشديه ببياض البيض
واذا درتيه بلونين طيبيهم بنفس الطريقة مبعد حطي الدائرة البنية فوق البيضاء ولوي حتى لنصف الدائرة
وقطعي باش ميجيكش خشين بزاف
قطعيهم مقروطات مايلين بالسكين تاع البطاطة لمبرج
مبعد حليهم بيدك اجبدي لورقات للداخل تخرجلك كالوردة شديها بحبة قرنفل
اقليهم وعسليهم
اتمنى تجربوهم في انتظار ردودكم تحياتي.
[/align] كثر الله أحبابك
وفرج الله كربك
ولا تحرمينا من مواااضيعك القيمة
كثر الله أحبابك
وفرج الله كربك
ولا تحرمينا من مواااضيعك القيمة