كاشير بالسميدو لحم هبرة جربوها ورجعولي الخبر!!!!!!!!!!!!!! 2024.

اليوم جبتلكم وصفة بنينة بزاف انا كنت نطيبها بزاف لانه زوجي كان يموت عليها.المهم ما نطولش عليكم رايحة نمدلكم المقادير.
1كغ سميد احرش كيما تاع المقروط
مربعات لحم هبرة مقطعة بحجم 1سم
راس بصل
راس ثوم
نصف مغرف فلفل حار
نصف مغرف راس الحانوت
ملح
حشيش مقطفة
حبة طماطم مرحية ناعمة
2مغارف طماطم مصبرة
5بيض

طريقة التحضير………..

بسسي السميد بمقدار فنجان زيت ثم زيدي البصل والثوم مدقوق مع الملح+الحار+راس الحانوت+الطماطم حب+الحشيش وفي الخير الطماطم المصبرة وشمخي بالبيض الواحدة تلو الاخرى حتى تتحصلي على عجينة رخوة مالازمش تكون يابسة والا رايحة تجيك ناشفة بزاف.
بعد ذلك ديري الحشو في ساشي سباقيتي وحطيها تفور لمدة ساعة ونصف تقريبا.بعد ذلك قطعيها رونديلات كيما الكاشير.

جربوها راهي بنينة بزاف

شهييييييييييييييييية طيبة

يعطيك الصحة والله غير نجربها ونقولك مقاديرها عندي خصني غير حشيش مقطفة كنت نعملها ليوم لكن معليش ان شاء الله نعملها في اقرب وقت ونحطلك تطبيقي
بارك الله فيك

يعطيك الصحة ربي يخليك للمنتدى

الوردة الشافة رقم 3
لان حنان هي الشاف رقم 1 او بعدها هنو والله راكم شاطرين غير انا الي راني امكسلة خخخخخ

شكرا ع الوصفة
يعطيك الصحة

بلا مزية حبيبتي سوسو
هذي هي الدنيا ماكانش اللي زاد متعلم .
كلنا رانا نجتهدو باش نحصلوا العلم .
ربي يوفقنا الكل. ويا ريت اختي تجربيها وتقوليلي النتيجة اللي خرجتي بيها.
اميييييييين يا رب العالمين

شكرا اختي على الوصفة مجرد كلامك عنها بهده الطريقة اشعرني انها لديدة ان شاء الله نجربها ونرد لك لخبر وشكرا مرة اخرى ..