راني جبتلكم فطور اليوم كما عودتكم نخليكم مع الصور
درنا حساء خضر بالجبن
سلطات متنوعة..زرودية…بطراف مغليين…فلفل و باذنجان مشوي…..سلطة ارز بالجلبانة
هنا درت ميني كرواصون محشيين باللحم المفروم
و امي حبيبتي ربي يحفظها و يرزقها الفردوس العالي( هي و الوالد) دارتلنا طاجين الخوخ باللحم و جا بنيييييين
و الله يديم النعمة علينا و عليكم….
يم يم ماشاء الله يعطيك الصحة ربي يدومها نعمة
امييييييييين حبيبتي علينا و عليكم
مشكورة على المرور
صح فطورك و صحورك
صحى فطوركم وربي يخلي ليك الوالدة
ماشاء الله وتبارك الله عليك حادقة
ماشاء الله وتبارك الله عليك حادقة
امييييييين يا رب
الله يسلمك حبيبة
صح سحورك
الله يسلمك حبيبة
صح سحورك
يعطيك الصحه
بالصحة والهناء
طاجين الخوخ جميل جدا كيف حضرته
بصحتكم ربي يديم النعمة يا رب
بصحتكم يالعزيزة عجبني بزاف طاجين الخوخ كيفاه داراتو
الله يسلمك لاتي
شوفي طاجين الخوخ طيبي لحم او دجاج في مرقة بيضاء (بصل+ملح+فلفل اسود+زيت+ماء+حميصة).
امبعد غلي حبات بطاطا مع الملح قد ما تحبي كي تطيب عبزيها بالفرشيطة+حبة بيض.
تديري الفرينة فيدك و تشكلي البطاطا كريات امبعد تحشيهم باللحم المفروم لي تكوني طيبتيه من قبل و الفرماج (تقدري تحشي بالفرماج فقط) امبعد تشكلي الكريات كيما حبة الخوخ و تديري شق فالوسط بالموس و تحطيهم يطيبو فالفرن حتى يتحمرو شوية و اذا حبيتي اقليهم( هنا ماما مقلاتهمش لانو البطاطا ترفد الزيت و تكون مضرة بالصحة).
تقدمي اللحم فالطبق و تديري عليه حبات الخوخ دايرين و تزيني بشوية مرق و حميصة و المعدنوس و المرقة قدميها وحدها لي يحب يسقي…
و بصحتكم
شوفي طاجين الخوخ طيبي لحم او دجاج في مرقة بيضاء (بصل+ملح+فلفل اسود+زيت+ماء+حميصة).
امبعد غلي حبات بطاطا مع الملح قد ما تحبي كي تطيب عبزيها بالفرشيطة+حبة بيض.
تديري الفرينة فيدك و تشكلي البطاطا كريات امبعد تحشيهم باللحم المفروم لي تكوني طيبتيه من قبل و الفرماج (تقدري تحشي بالفرماج فقط) امبعد تشكلي الكريات كيما حبة الخوخ و تديري شق فالوسط بالموس و تحطيهم يطيبو فالفرن حتى يتحمرو شوية و اذا حبيتي اقليهم( هنا ماما مقلاتهمش لانو البطاطا ترفد الزيت و تكون مضرة بالصحة).
تقدمي اللحم فالطبق و تديري عليه حبات الخوخ دايرين و تزيني بشوية مرق و حميصة و المعدنوس و المرقة قدميها وحدها لي يحب يسقي…
و بصحتكم