السلام عليكم اخواتي
كيف حالكن غالياتي ان شاء الله الكل في تمام الصحة والعافية
قبل وضع الوصفة بالخطوات استسمحكن بوضع الصور تباعا لان عندي مشكل في وضع الصور في هذا المنتدى
بالمناسبة نشكر الغالية ام كوثر على المساعدة جزاها الله كل خير
حلوى اليوم حلوى جديدة عملتها عدة مرات روووووعة تشبه نوعا ما في البقلاوة كاين لي يسميها المنقوشة لان
ننقشها وكاين لي يسميها بالبقلاوة مودرن لانها تشبه في البقلاوة الى حد كبير واسهل منها لا نحتاج الى طبقات
كثيرة فقط طبقة من الاسفل ونحط الحشو ثم طبقة علوية وننقشها.
من دون اطالة نخليكم مع الوصفة
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
المقادير:
العجينة
250غ مرقرين ذايبة وباردة
500غ فرينة
بيضة صغيرة واذا كانت كبيرة نعمل نصفها
رشة ملح
فاني
كمية قليلة من ماء الزهر نلم بها العجينة
الحشو:
رطل لوز مرحي متوسط كما نتاع البقلاوة ممكن نعوضه بالكاوكاو هنا اللوز اوالكاوكاو ندخلهم للفرن سخون يتحمصه غير شوية لازم يبقى لونهم ابيض
2 م ك جلجلانية محمصة
نص كاس سكر احرش
كمية قليلة من ماء الزهر
التعسيل:
رطل عسل
ماء الزهر
الطريقة:
نحط الفرينة ونفرغ عليها كمية المرقرين لي ذوبناها وخليناها تبرد نضيف رشة ملح والفاني
إضغط هنا لرؤية الصورة بحجمها الطبيعي.
نبسس الفرينة جيدا بالمرقرين ونجمعها بالبيضة وكمية قليلة من ماء الزهر نلمها بلا مانعجنها
نقسما الى قسميين متساويين ونغطيها ونخليها ترتاح
في هذا الوقت نحضر الحشو
نخلط اللوز مع السكر والفاني والجلجلانية
إضغط هنا لرؤية الصورة بحجمها الطبيعي.
نضيف ماء الزهر غير بالملعقة ونخلط لازم الخليط يكون مرمل مايكونش جاري هكذا
إضغط هنا لرؤية الصورة بحجمها الطبيعي.
بواسطة الحلال نبسط الكويرة الاولى فوق ورق الزبدة او كيس بلاستيكي هكذا تكون رقيقة شوية
إضغط هنا لرؤية الصورة بحجمها الطبيعي.
ناخذ سنيوة دائرية ومن الاحسن بلاطو صغير انا استعملت بلاطو 28في 24سم
ونحط الطبقة الاولى ونعدلها جيدا
إضغط هنا لرؤية الصورة بحجمها الطبيعي.
نحط الحشو ونسويه غير بالشوية
إضغط هنا لرؤية الصورة بحجمها الطبيعي.
نبسط الكويرة الثانية ونحطها فوق الحشو دائما نستعين بورق الزبدة او البلاستيك الغذائي
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
نقطع الزوائد ونضعط على الاطراف
إضغط هنا لرؤية الصورة بحجمها الطبيعي.
نقطع الحلوى الى مستطيلات 3على 7سم ولي تحب مربعات ممكن لكن مستطيلات تجي احلى
هنا نستعمل سكين يكون رقيق باه الحشو مايخرجش
إضغط هنا لرؤية الصورة بحجمها الطبيعي.
بواسطة النقاش ننقشه كل حبة على حدى
بالنسبة للنقاش كاين عدة انواع انا كل مرة نستعمل نوع
هنا استعملت العادي
إضغط هنا لرؤية الصورة بحجمها الطبيعي.
وهنا استخدمت نقاش على شكل حرف S
إضغط هنا لرؤية الصورة بحجمها الطبيعي.
نغطي الحلوى ونخليها ترتاح عدة ساعات وممكن ليلة كاملة حتى تحافظ على شكلها
من بعد نطيبها في فرن 180د لمدة 40د لازم نراقبها في الفرن مالازمش تتحمر لان اذا تحمرت الحشو يبس لذلك ننصحكم ماتغفلوش عليها
بعد خروجها من الفرن نعسلها بالعسل لي نكون ضفتلو شوية من ماء الزهر ونزينها بكمية من الجلجلانية ومن الاحسن مانقطعهاش نخليها تبات وتتشرب العسل
بعدها نقطعها ونقدمها
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
عن قرب اممممم شوفو كيفاه معسلة وتذوب في الفم
إضغط هنا لرؤية الصورة بحجمها الطبيعي.
هنا صورتها من البلاطو اذا تلاحظو راهي طابت شوية بزيادة lمن فوق راكم تشوفو الحشو راح يتغير لونه لذلك ننصحكم راقبوها وماتغفلوش عليها اثناء الطهي
إضغط هنا لرؤية الصورة بحجمها الطبيعي.
تم بعون الله
منقول
سلمت يداك على هذا النقل اتلرائع
دمت بود
يعطيك الصحة على النقل
اكيد ام اماني وصفاتها رائعه ومضمونة ربي يجازيها كل خير
احكيلي البنة كيفااااااش لانو عجبني بزاااااف وحاجة نجربو
و ديكورو ايضا شباب
بصح راكي قلتي
حلوى اليوم حلوى جديدة عملتها عدة مرات روووووعة