القاطو هذا لقيته في مدونة خاصة بالطبخ الجزائري عجبني و حبيت ننقلهلكم ان شاء الله يعجبكم
المقاديــــــــر
100 غرام زبدة بدرجة حرارة الغرفة و من الافضل تكون زبدة ماشي مارغارين
10 ملاعق أكل زيت
80 غرام سكر عادي
100 غرام بودرة لوز
من 350 الى 400 غرام فرينة
نص ملعقة قهوة فانيليا و نص ملعقة قهوة خميرة
للتزيين
سكر قلاصي ( بودرة )
ملعقة أكل تاع عصير الليمون
ملون غذائي أحمر
التحضير
أضربي الزبدة و السكر حتى تحصلي على شكل كريمة و مبعد زيدي الزيت و كملي الخفق
خلطي الفرينة و الفانيليا و الخميرة و بوردة اللوز و ضيفي الكل للخليط السابق
اذا بانتلك العجينة قاسية زيديلها قليل من الزبدة الذائبة و اذا كانت رخوة زيديلها طبعا الفرينة
وعلى اداة عمل تكون مرشوشة بالفرينة ابسطي العجينة بسمك نص سنتيمتر باستعمال le rouleau à pâtisserie
ثم قصي العجينة على شكل قلوب باستعمال القالب و حطيهم في الفور مابين 15 الى 20 دقيقة في درجة حرارة 180
و في الاثناء حضري القلاصاج
القلاصاج
حطي السكر في اناء ثم عصير الليمون مع قطرات من الملون الأحمر
ثم ضيفي قليل من ماء الزهـــــــــــــــر
قلاصي لي بسكوي تاعك ثم زينيهم على ذوقك
روعة عزيزتي يشهو اممممممممممممممم، يعطيك الصحة على الوصفة
ربي يخليكم على الردود المشجعـــــــــــة حبيباتي
نورتوني