لبنات علابالي طولت عليكم بزاف بصح راني رجعت ليكم تالمو توحشتكم بزاف
دائما كيما عودتكم مع الجديد و مع المناسبات
و هذه المرة مش اي مناسبة مناسبة خاصة جدا و الكل متحمس ليها
عيد الاضحى المبارك
اعاده الله عليكم و علينا باليمن و الخير و البركات
و طبعا بهذه المناسبة السعيدة لكل ولاية او لكل بلد من البلدان الاشقاء عادات و تقاليد
يتم التقيد بها سواءا قبل العيد من تجهيزات او اثناء ايام العيد
حبيت منكم خواتاتي نتقاسمو هاذ العادات و نتبادلوها و علاش لا باش نعيشو فرحة العيد مع بعض
فياريت كل وحدة تدخل موضوعي المتواضع هذا ان تطلعنا و لو بالقليل من تحضيراتهم للعيد
( الحلويات اللي يحضروها. الاطباق ……..و حتى التجهيزات الاولية اللي تسبق يوم العيد…..الخ)
ان شاء الله الموضوع يلقى تفاعل
راني في انتظاركم يا حبوبات
و كل عام و انتن بالف خير
بالنسبة لينا حنا في المنطقة تاعنا
في ليلة العيد يديرو الحنة للاطفال و حتى كبش العيد فوق راسه ( لحد الان معلاباليش علاش…..
)
في الصباح لازم كامل العايلة ينوضو بكري باش يجهزو رواحهم و للاستماع الى تهاليل العيد
الاطفال يلبسو كسوتهم الجديدة و الاباء يروحو لصلاة العيد
و كي يرجعو يعيدو على كامل العائلة و هنا لازم نكونو مكملين الميناج و نقارعو غير للذبح
نشربو القهوة مع بعض في انتظار الذباح
كنت دايما نشوف امي تجري هنا و لهيه تجهز في الاواني اللي رايحين يحطو فيهم لواحق الخروف مسكين
ختي الكبرى تخصص غسل الدوارة و اللي بعدها تخصص تشواط البوزولوف
و الام الكريمة كانت دير الفطور دوارة بالحمص و البطاطا المقلية
و بما اني كنت انا الصغير كنت ندي غير الشوا…….هههههههه 
بعد ماتكمل ختي البوزولوف و تنقيه مليح ديره يطيب في الما و الملح باش نديروه للعشا في الفور
و نديرو الكبدو و الرية طيب تاني هي في الماء و الملح باش نجهزوها للملفوف
ثاني ايام العيد تنوض الوالدة و الوالد هوما اللوالا باش يقطعو اللحم و مكاش عايلة في هذا النهار ماديرش الطعام (الكسكس)
ثم بعد هذا نروحو لزيارة الاهل و الاقارب
و في المساء يقوم الوالد بتحضير المجمر طبعا مع الفحم للشواء
و احنا نديرو طاجين المحمر للعشاء
و في النهاية هذه هي اساسيات ايام العيد عندنا و طبعا هناك دائما المزيد
ان شاء الله نوافيكم بالتفاصيل في ايام العيد المقبلة
في العادة نعيد مع عزوجتي و هاذ المرة وحدي الله يكون في عوني
يارت لوكان عرفتينا كتر على عاداتكم و تقاليدكم في ام البواقي
يعني واش طيبو النهار الاول و الثاني……الخ
اما بالنسبة للحلويات اكيد مراحش تكون كيما عيد الفطر
تقريبا نفس موضوع الياس حياتي معليش نعاود نحكيلك كيفاه نفوتو العيد
كما قالت الاخت الحلويات مانكثروش كما عيد الفطر المهم
احنا نهار الاول نديرو الدوارة ونشويو الكبدة ونديرو ملفوف
وفالليل نقليو اللحم
البوزلوف من بعد مانشوطوه ونغسلوه نكونجليوه منبععععععععععععععععععد مايفوت العيد والريحة نتاع العيد ههه
ونهار ثاني نديرو بربوشة ولا شخشوخة ونقليو ونشويو اللحم
حلوة طابع غريبية تشاراك عرايش بنيون
وفي الليل نديروا الحنة
و حنوا للكبش
وين راكم يا بنات الجزائر و لا ماكمش حابينا نتعرفو على عاداتكم و تقاليدكم
خسارة عليكم