واش راكم ياحبوباتي الغالياااات على قلبي
جبتلكم حويجة نتاع ليلة باردة متسلكك غير هي احم احم هههه
مقطعة او المرقطفة انا علمتهالي الوالدة ربي يحفظها ويخليهالي يااااارب معنديش غيرها في الدنيا هاذي
وكي جيت لدار راجلي لقيتهم يديروها بطريقة زي خلاف
انا بغيتكم تعرفوها
اول حاجة تبتي لعجين وتخليها ترتاح
ونوجدو المرق في قدر يكون مفتوح من الاعلى باش يساعدك
وتمرقي بالماء وتحطيها فوق النار
ثم نرجعو للعجين تكون ركحت ندلكها بلا ملح
لازم تعجنيها مليح كيما لفطير وتجي شوي مرخية وتلوزيها
من الاحسن تنصبي فوق الطابونة باش تكون قريبة ليك القدر
دخليها في المرق وبشوي
بنفس العملية تكري حتى تكمل كامل ملاحظة في الحبات لخرين رفدي بالمغرف المرق ولوحي عليها باش تتغطى
حركيها راهي تنزل للاسفل وتلصق
من بعد احكمي موس كبير وبداي قطعي على طرف القدر
شوفي كي تتقطع كيفاش تولي
خليها اطيب شوي وطفي عليها اما للعجينة الي تبقالك ديري بيها مسمن وكوليه معاها
انا هجمو عليا مخلونيش نصور هههه بصح سرقتهملكم من عمي قوقل ههههه
وهذا شكلها النهائي وقطعي فيها دربشة الي تحبها
وانا نحب ناكلها غير في التاجرة نتاع الطاجين تزيد فيها البنة يم يمممممم حارة وبنية
ان شاء الله نكون وفيت في الشرح ونتمنى تنال اعجابكم وتستفيدو منها 
احنا تاني نعملوه بطريقتين كيما هاد الطريقة نسموها فطور البرمة او فطور و قصووووور بفتح القاف و ضم الصاد ^_^
بصحتكم
ربي يحفظلك الوالدة الغالية
في العاصمة يقولها قطع و رمي وفي بعص مناطق الشرق فتراقاسول .
يعطيك الصحة فحلة دلال.