عيدكم مبارك كل عام و انتم بخير
تصفحت الانترنت بحثا عن طريقة صنع المرقاز في البيت لاني نموووت عليه و ما نشتريه لانو مش عارفين باش يعمروه اكيد غير صحي و مع الملونات
المهم جبت هاذ الطرقة و رايحة نجربها ان شاء الله بعد ما غسلت لاول مرة المصارن و لواحقها من الاول للاخير احم احم 
المقادير :
كمية معتبرة من الثوم
كمون
هريسة
فلفلة حمراء
مثل ماراه موضح في الصورة
نحتاج كمية من اللحم المفروم الناعم انا رحيتو في الروبو
معدنوس و نفرموه ناعم
مصارن رقيقة الخاصة بالمرقاز
نخلط اللحم المفروم مع التوابل و الثوم و المعدنوس المفروم و الثوم المفروم مثل ماراه موضح في الصورة
بعد ما نكونو نضفنا المصارن ندخلو راس المصران في لمبوط يكون راسو صغير نقدرو ندخلوه في المصران و نضع خليط اللحم داخله و ندخل ببطئ مثل ما راني موضحة في الصور
بعد ما يطوال المصران نبدا ندور ( او تربطي بخيط ) و نصنع نقانق صغار حسب الحجم اللي تحبوه و هادا هو شكلها
و ما نقطعوهش حذاري ونثقبوه بإبرة باش يدخلو طياب و ما ينفجرش علينا
نديروه على طاجين مع شووووية زيت فقط لانو راح يخرج دهون
و كي يدخلو الطياب نقسموه و هو في الطاجين و نخلوه يكمل طيابو
و كل واحدة و كيفاش تحب اتقدمو
و هاهو واجد بصلصة الطماطم
منقوووووول
اللي تعرف طريقة اخرى تتفضل و شكرااااااااااا
طريقة رااائعة نجربها ان شاء الله
راكي فحلة ….صح عشاكم
حنا درناه خطرة في دارنا بالبصل مش بالثوم لكن عجبتني هاذ الطريقة كي جربيها قولينا كيفاش اذا مليحة و لالا
بصحتكم أختي مسبقا
مرسى بزاف ليك وخصار ما قريتش الموضوع الا بعد من قطعت لمصرين
احنا فايت عملناه بالصح نعملوا له التفل ديال البصل ماشي الماء وما نستعملوش الثوم.ونفس التوابل نتاع الكفتة او اللحم المفروم يعني كمون وفلفل احمر واسود وملح وفلفل حار والربيع
