السلام عليكم اخواتي الكريمات نتمنى تكونو كامل بخير وبصحة جيدة عندي سؤال اتمنى نلقى اجابتو عندكم في منتدانا الرائع انا زوجي يبغي بزاف الشوفلور ونعرف 3طرق نطيبو بها اذا ممكن تزيدو تمدولي طرق اخرى اكون ممنونة وكل وحدة تكتبلي طريقتها ولكم مني الف تحية 
سلام مريم حاج
ماعلابليش ويلا تعرفي طريقتي هادي و لا لالا
انا نغليه و مبعد نفوتو فالبيض المضرب مع المعدنوس و الملح و الفلفل و مبعد نرمدو في لاشابلير و نقليه
و نعمل بطاطا كوشة (كباب) عادي بمرقة بيضا و نسربيه معاها
أي ندير اللحم و الحميصة فالوسط تاع البلا و ندورهم ساير داير بالشفلور المقلي و البطاطا المقلية (بالتناوب)
ماعلابليش ويلا تعرفي طريقتي هادي و لا لالا
انا نغليه و مبعد نفوتو فالبيض المضرب مع المعدنوس و الملح و الفلفل و مبعد نرمدو في لاشابلير و نقليه
و نعمل بطاطا كوشة (كباب) عادي بمرقة بيضا و نسربيه معاها
أي ندير اللحم و الحميصة فالوسط تاع البلا و ندورهم ساير داير بالشفلور المقلي و البطاطا المقلية (بالتناوب)
يعطيك الصحة ام منذر عجبتني طريقتك بزاف راه عندي راس شوفلور فالثلاجة لعشية هذي نطيبو بهذ الكيفية
عندي طريقة اخرى و هي معقودة الشفلور
فوري راس شفلور و عصديه بالفرشيطة زيديلو فيونداشي، بصلة مكرفجة، معدنوس مقطع ، حبة طوماطيش كروات صغار بزاف، فلفل ملح، زعفران و الى جاك جاري زيديلو شويا فرينة
كوريه كيما المعقودة و لا ديريه طويل (سيجار) و فوتيه في البيض المضرب و مبعد رمديه في لا شابلير و قليه في الزيت
قدميه مع شلاظة خضرا
فوري راس شفلور و عصديه بالفرشيطة زيديلو فيونداشي، بصلة مكرفجة، معدنوس مقطع ، حبة طوماطيش كروات صغار بزاف، فلفل ملح، زعفران و الى جاك جاري زيديلو شويا فرينة
كوريه كيما المعقودة و لا ديريه طويل (سيجار) و فوتيه في البيض المضرب و مبعد رمديه في لا شابلير و قليه في الزيت
قدميه مع شلاظة خضرا
تعمليه كيما تعملي المعقودة غير في بالست البطاطا ديري الشوفلار
شكرا لكي ماسة
اخت مريم انا زوجي نعمله الشفلور سلاطة
تفوريه بالملح وتقطعيه طراف وضيفي ليه الخل وفلفل اكحل ومعدنوس مقطع والزيت
او قدميه مع الميونيز وبالصحة والراحة
تفوريه بالملح وتقطعيه طراف وضيفي ليه الخل وفلفل اكحل ومعدنوس مقطع والزيت
او قدميه مع الميونيز وبالصحة والراحة
انا نديرو قراتان يجي مليح
بالتوفيق
بالتوفيق
سلام اختي مريم الحاج نشالله تكوني مليحة
ماقلتليش ويلا درتي الشفلور كيما قتيلي و واش عجبو مولا بيتك؟؟؟؟
ماقلتليش ويلا درتي الشفلور كيما قتيلي و واش عجبو مولا بيتك؟؟؟؟
ادا مازلتي حابة غوسات وحداخرى ديريه سوتي باش هاكدا تريحي شويا مالقليان
ديري حبة بصل مقطعة بالطول تتقلى مليح في شويا زيت و مبعد زيديلها كاروات تاع حبة بطاطا مقطعين شويا كبار و زيدي الشفلور مقطع وريدات صغار
خلطي كلش كي تشوفيهم بداو يحماروا زيديلهم الفلفل، الملح، زعفران و قصبر و شويا قارص الى تحبيه و شوية ماء
خليهم يطيبو واحد النص ساعة و شبحيهم بالقصبر
[align=center]ينقل الى قسم استفسارات و طلبات العضوات[/align]