طاجين حلو بالزبيب و البرقوق و التفاح 2024.

البارح درت للعشاء طاجين حلو بالتفاح وحبيت انشاركم الوصفة

و طريقة التحضير كالاتي

حبة بصل صغيرة + فخذ دجاج (ولا لعندك) + رشة ملح + 2 مغارف دهان و شوية زيت

ثم زيدي عود قرفة + النجمة + الكبابة + شوية حرور + شوية كركم و على نار هادئة قلي ملييح البصل حتى يذوب

ثم مرقي بماء سخون و زيدي للمرقة ربع حبة ليم معصورة(ربع ليمونة وليس العصير) + 2 مغارف سكر (السكر على حسب الذوق كاين لحبه حلو بزااااف و كاين لشوية ) و خلي المرقة الطيب

مبعد اغسلي الزبيب و البرقوق و نحي القشرة علي التفاح وقطعيه و باش مايكحلكش ديريله عصير اليمون

ديري الزبيب و البرقوق و التفاح في المرقة وخليهم يطيبو و قبل ما طفي النار ضيفي كيس لفاني + شوية ماء ورد

و هذا هو الطاجين الحلو جاهز في صحن التقديم و للتزيين رشيت شوية جلجلان من الفوق بالصحة و الهناء