https://www.dzhawaa.com/vb/newthread….newthread&f=59
المرقة: طرف جاج+ بصلة مرابية+ 2 سنات ثوم + زرودية مقطعة دوائر+ كمون+ فلفل + 1 طماطيش مرابية+ مغرفة كبيرة طماطيش كونسوتري+ زيتون مغلي+ ملح+ فلفل+ زيت+ زعيترة+ 2 ورق رند.
ليبولات: 2 ربطات سلق+ لحم مرحي+ بيضة + شويا لاشابلير+ ملح+ فلفل+ كمون + شويا قصبر.
للقلي: زيت+ بيضة+ لاشابلير.
الطريقة
1. قلي الجاج مع البصل و الثوم في الزيت على نار هادية مع التوابل، زعيترة و رند و الملح ، كي يتقلى ضيفي الطماطيش المرابية و الكونسوتري و زيدي قلي مليح. مرقي غير بشوية ماء و ارمي الزرودية و خليها تطيب.
هنا قطعت الزرودية وريدات
2. قطعي ورق تاع السلق و غليهم في كمية قليلة ماء و ملح و مبعد قطريه و اعصريه بيديك مليح.
3. دريه على نار خفيفة في مقلة مع شويا زيت و سنة ثوم و شوية قصبر و خليه حتى ينشف مليح من الماء.
4. خلطيه مع اللحم المرحي، الملح، الفلفل و البيض و شكلي منو كريات صغار.
5. جوزيهم في حبة بيض مضربة و مبعد رمديهم في لاشابلير و قليهم في زيت قليلة.
هنا بعد ما قليتهم
6. في نص طياب الزرودية ضيفي ليبولات و الزيتون المغلي و خليهم ربع ساعة و طفي النار.
7. زينيه بالمعدنوس مقطع و قدميه.
هاهو واجد
مع كاس عصير كيوي يحي هايل
نشالله يعجبكم
لا تنسوني بالدعاء
بارك الله فيك اختي ام منذر ويعطيك الف عافية 
مشكوووووورة 
شكرا طبق هائل
طريقة جديدة و الطبق يبان يشهي
يعطيك الصحة
