نحتاجو(المقادير حسب افراد العائلة ) ربطة خرشف منقي ومغلي مليح في الماء والملح +معدنوس+بصلة+حمص +ثوم +بطاطا مقطعة بالطول على 4+ملح وفلفل اسود+ملعقة صغيرة كسبر وزيت طبعا لحم او دجاج اللي عندك +لحم مرحي
في طنجرة الضغط تحطي الدجاج وتحمريه مليح وبعدها تزيدي البصل المقطع الى قطع صغيرة جدا والثوم لوحيه حبات وزيدي المعدنوس والفلفل والملح والحمص والكسبر وخلي الكل يتقلى مليح ومبعد حطي الخرشف وحركي الكل مدة 5 د مرقي بالماء السخن نصف لتر اغلقي الطنجرة مليح .
قشري البطاطا وقطعيها واقليها حتى تحمار واخدمي الكفتة بالملح والفلفل الاسود والمعدنوس مقطع وكوريهم وخليهم يرتاحو .
كي يطيب الخرشف ارمي البطاطا والكفتة واغلقي 10د وبعدها افتحي عليها وخليها تعقد المرقة وتكون شوية قليلة .
صبي في الصحون وزيني بالمعدنوس . شهية طيبة على قلوبكم
والف حمدالله على سلامتك وربي يشافيك
مشكورة
سبحان الله في بريطانيا توجدي كلش من الخضر والفواكه إلا الخرشف مكاينش والمشكل نحبو بزاف دايا يما واخواتاتي يديروهولي كنجلي باش كنروح لدزاير يطيبوهولي هو ولقرنون
شفتي يا تحقيق الامل انا هنا في فرنسا تاني ماكانش بززاف ناااادرا وين نلقاه عند العرب لي يبيعوا في الاسواق او في الحوانيت تاع العرب اما في ليغروسيرفاس جاااااااااامي القرنون كاين مي الخرشف جامي شفتو عند الفرنسيين
المهم انا دايما كنتوحش لحاجة كنروح لدزاير نشبع منها ههههه
انا نسخف بزززاف على الفول درك راه وقتو مي نااقققققققص بزاف ساعات برك وين نلقاه عند العرب
قوليلي كنت بعتلك رسالة على الخاص حبيت نعرف اذا و صلاتك