لبنات انا مانعرفش كيفاش ندير لفطير التقليدي
ولي خطبوني"تاع ميلة "يديروه
انقذوني من الورطةو اذا امكن بالصور
هذا هو مكان الموضوع ديالك
اختي ما عنديش معلومة عن تقاليد الشرق
يساعدوك العضوات
شوفي وادا راكي تتكلمي على الفطاير وهي التشخشوخة تاع البساكرة راهي باينة وهي عبارة عن عجينة تاع المعارك وتفتحيهم ورقة رقيقة
ثم تفتيهم
ويتفوروا ويدهن
والمرقة تكون حمراء بالخضراء واللحم او الدجاج وختي الزبيب يغني تكون حمضة وحارة وحلوة
والا الفطاير بطريقة اخري المسمن يتعمل مثل المعارك عجينة من السميد والفرينة ترتاح ويتقرص
بالزيت ثم يتعمل مثل الصامصة مثلث ويطيب في المري ويدم في صحن كبير
ويتسقى باللصوص بيضاء وفيها الخضراء لكورجات والحمص بالدجاج ومشهور عندنا في البليدة ويزيدوا البيض مغلي من فوق
شوفي كيف يعملوها وسوف اضع لك الطريقة بالشرح
وراههم اخوات من ميلة يزيدوا لنا في تقاليدهم
شوفي حنونة نتاع ميلة يقولو الفطاير والفطاير كاين زوج انواع
نتاع السميد عادي ساهل ماهل شفتي المطلوع الي نديروه في رمضان ونتاع قسنطينة يقولو كسرة خميرة
يعني سميد ملح وتبلي خميرة الخبز وتشمخي بالماء الساخن وتعجنيه مليح كيما المطلوع وتخليه مدة خمس عشر دقائق ومن بعد تقطعي بالشوي العجينة دوائر صغيرة وتحليهم بيدك وتحطي تقليهم في الزيت يطلعو ويتنفخو ويجيو خفاف يهبلو تخليهم حتى يوليو شوية حومر مش بزاف زتنحيهم
وكاين نفس الطريقة بصح بالفرينة وهذو يجيو كيما الي يتباعو برا تاني يجيو منفخين وخفاف المهم حنونتي كي نديرهم نبعتلك التصاور
اتعلمي حنونتي باه كي تروحي يقولو ما دراك كل صبع بصنعة
مبرووووك وربي يتمملك على خير
نبداو اولاا لازم الدقيق ماشي الفرينة نقولو نص كيلو وقرصة ملح وبليها بعضمة وحطي الماء دافي فيه زوج مغرف صغيرة خميرة خبز وزيديه للخليط وبلي بالماء الدافي وخلطي حتى تتلم وخليها وحد نص ساعة ومبعد اعجنيها مليح واسقيها بالماء دافي حتى تتطلق تجي شوية جارية تقدري تهزيها وحطيها في وعاء دهنيه بالزيت وغطيها بالبلاستيك وخليها حتى يضاعف العجين ومبعد حطي المقلة تسخن بالزيت وجيبي لعجينة دريها قرصات وطرحيها ماشي رقيقة بمساعدة الزيت وقليها بالقرصة حتى تخلصي ومبعد كيما تحبي عسليهم ولا خليهم هكاك وشهية طيبة تقول لهدا السفنج او لخفاف
وهدي هي الوصفة
2 كلغ سميد رقيق
1كيلو فرينة
2مغارف خميرة
ملح
مغرفة صغيرة سكر
السانوج
الزيت لقلي
نخلط كل شيء ويعجن يابس وبعدها نشمخ بشوية
وهنا نزيد الماء ونزيد نضرب مليح ونترك يخمر مع السخانة واش نقولك يخمر في ساعة
وهنا هنا رهو وجد والسخانة هلكتنى بصح…..زيت يحب بزاف …. يكون المقلاة عامقة
هدي لعجينة تاع التخشوخة نخرج منها الخير
المعارك للحليب فارغين وكاين ليعملها لنافسة
بالبيض في الداخل ويغلق عليها
ولمحاجب عادي والفطاير او التخشوخة وتختلف حسب الاماكن كاين يعملوها بيضاء بالدجاج او حمراء باللحم
العجينة
نستطيع خلط نصف فرينة ونصف سميد رقيق
ولكن انا اعملها غير بسميد الرقيق نفس الشيء مع المعارك
1 كلغ سميد حسب العائلة *
ملح
ماء
يعجن جيدا ويرتاح
زيت وشوية زيت الزيتون معه
و نقرصهم *
نعمل الدرسة فلفل الاحمر يتفور او يتغلى بشوية ماء
ونطحنوه في المكسور
او فلفل حار + ملح وتوم و ندرسوه في المهراز
ونزيدله الثوم والكمون وكروية مثل الهريسة
لبصل يتقطع رقيق نضعه في الماء واملح يبال 15د
ثم نقطروه وصعه في المقلاة يتحمص به يطيب الماء تاع البصل + الدرسة
تشكشوكة البصل يتحمص ثم نزيد الطماطم وسننينة ثوم راس الحانوت نخليها طيب ثم تبرد
ونضعها في وسط العجين ونغلق المربع
نحل العجينة 
وجدين
مكونات العجين عادي سميد من النوعية الممتازة يعني فيه العلك اويتكسل ويكون رطب شويا عقبيه على السيار ونحي الخشين والملح والماء وعجني مثل المسمن