شحال يخليلك راجلك الوقت تضيفي عند

درك قرب العيد و طبعا كل المتزوجات رايحين يهزوا الباقاج جهة دار العايلة تاعهم.لي قريبة لاهلها تقولنا شحال يمدلها سي السيد الوقت للضيافة في الايام العادية و في المناسبات
اما لي متزوجات في ولايات غير ولاية اهلها ايضا تخبرنا شحال تطول في بيت والديها و اذا كانت تنيقوسيي بزاف على عدد الايام و لا يمدلها الاوكي بسهولة

اليكم الخط…..

شوق الروح راكي ساكنة في ولاية ماليك ولا بعيدة ههه هكذا نعرفوا نقدروا الامور خير
انا نسكن في ولاية اخرى و نروح لاهلي سمانة برك و نحب نزيد اكثرلاني في اوقات ما نروح ب 5 اشهر و باش يزيدني يومين حتى نكره
واش يقلقني انو ماكانش نهار مايروحش على الاقل 2 مرات عند يماه بصح انا بالوقت و التنقريز

شكرا حبيبتي نسكن في نفس الولاية

انا نسكن بعيدة على اهله واهلي مسافة 70 كلم بصح نروح في الايام العادية غير نص نهار في دارهم من الصبح لعشية ودارنا كيف كيف اما المناسبات 3ايام لااكثر ولااقل

انا دارنا خارج الولاية و نروح اسبوع و هذي المرة نستنى العطلة باه نتلقى مع اخواتاتي انشاء الله و نقعد قعدة زينة و نهار العيد انروح لبيت شيخي و الحمدلله
و كل عام و انتم بخير

مطيعة زوجهاانا نسكن في موزاية ومتز وجة في بواسماعيل انا ضيافتي دايما اسبوع في الاعياد وغيرها بصح نطول باه يديني نقعد دايما شهرين باش نروح بصح هذي المرة نقعد ثلاثة ايام خاطر نكون في يامات زيدتي نخاف نولد ثم

انا نسكن بعيدة على دارنا 350كلم

نروح04 ايام

انا 8 ايام بصح من 3اشهر الى 3اشهر وفي العيد رحت غير في النهار ورجعت مع العلم انا المسافة غير 60 كلم بينيوبين دارنا

انا نسكن بعيدة على دارنا ماشي كثير نروح الوقت الي نحب لأنه عندي سيارتي الخاصة

زوجي الحمد لله غير منغلق حتى انا نفهم روحي ^^..ـ فقط نخبرو قبل مانطلع

كل عام وانتم بخير