-بالنسبة للعجينة نحتاج بول تاع الفرينة (حوالي500غ) زبدة (150غ) تخلطي الفرينة والزبدة مليح حتى تبسيها ضفيلها حبة بيض وبياض بيضة وتخلطي مليح +ملح م ص +م ك خميرة الخبز وتلميه بالماء دافئ حتى تتحصلي على عجينة خليها تخمر مدة 20 د
-من جهة اخرى نقي السلق قطعيه وفوريه في الكسكاس وغطيه بساشي ودريلو الغطاء .
كي يفور مليح وتلقايه طرا ملحيه
-في مقلاة حطي 2 م ك زيت قلي2البصل الطويل (الشلوط )حتى يذبل شوية +2 سنات ثوم +ملح وفلفل اسود +شوبينيو قليه شوية +كفتة زيدي قليها شوية 5 د +طراف دجاج مقطعين -صدر- كل ماتحطي مكون قلبيه مدة 5 د ) +معدنوس +حبة طماطم قشريها وقطعيها مكعبات ارميها وقلبي حتى تطلق ماها وتتشرب شوية تاع الزيت وفي الاخير حطي السلق بعد ما تعصريه من الماء وامرقي بفنجان ماء واغلقي عليه حتى ينشف في الاخير زيدي علبة الطونة تاع الطماطم .
-جيبي العجينة حليها بالحلال ورشيها بالفرينة انا نحب نستعمل الطبسي خير من المول نلقاه عملي اكثر حطي الخليط في نص قطعي الفرماج وحطيه يالطول اغلقي عليه بيدك مليح ثم بالفرشيطة .ادهني بصفار البيض الي بقالك وضفيلو شوية قهوة وادهني من الفوق ورشي فرماج رابي ولا حبيتي حطي في الطرف فرماج فوندي وفوقو حبة زيتون
سخني الفور نصف ساعة من قبل رشي البلاطو بالفرينة .
بصحتكم .
وهذو راهم لحقو
الف شكر على الخطوات