السلام عليكم انا ابني عمرو شهرين و كي زيدت رضعتو سمانة و مبعد راح الحليب هو اصلا في الاول ما كانش قاوي و انا نويت نرضعو و راني حابة نعاود نرضعو بصح عندي قطرات فقط لي عندها حل و مجرب كيفاه نقدر نعاود نرجع الحليب تساعدني و الله يعطيها ما تتمنى انشاء الله , مع العلم درك نعطيلو حليب البواطة . و هل الدواء منع الحمل عندو علاقة خاطر بديتو عشرة ايام كي زيدت عطاهولي الطبيب و راني نشرب الضعيفة.
مساء النور حبيبتي حدة مبروك عليك وربي يعيشهولك اولا لازم تشربي تيزانة تاع زريعة البسباس حلبة ولازم تمدي لبنك يرظع باش ما يروحش خلاص اما حبوب منع الحمل ما تدير والو تاع لحليب يعني الضعيفة وكثري لماكلة هي الصح هاذا واش تعلمت وانشاء الله نكون عاونتك دعواتك
salam ma sœur ana nshak b iste3mal le tire lait ista3milih kable ma trad3i psq yehafiz 3ala idar alhalib afatri blahlib wal 3ASSAL KOULI MLIH SURTOUT LA FOIS DIRI TEMINA TA3 ZAYTE ZAYTOUBN WA TAMR KOULI BERKOUKESS W LAZEM TEMADI LAWLIDEK YARDA3 FI KOUL WAKT
مبروك عليك اختي حدة ان شاء الله يتربى في عزك مام ما فيكش الحليب مديلو يرضع اشربي الحلبة و حنا عندنا وحدة كي تزيد تاكل الزرير مع الحليب وكولي مليح باه يكون فبك الحليب ادعيلنا معاك اختي يرزقنا ربي سبحانو و يصلحهم 
السلام عليكم و رحمة الله تعالى و بركاته
ماعنديش خبرة
ربي يحفظلك وليدك و يجعله من الصالحين
ماعنديش خبرة
ربي يحفظلك وليدك و يجعله من الصالحين
السلام عليكم اختي
كاين دواء في الصيدليات اسمه فيليه ،مصنوع من الحلبة في كبسولات كما أنّه لا يترك رائحة الحلبة في الجسم
كاين دواء في الصيدليات اسمه فيليه ،مصنوع من الحلبة في كبسولات كما أنّه لا يترك رائحة الحلبة في الجسم
انا شخصيا جربت حبوب فيليه اللي قالت عليها الاخت سطايفية والحمد لله كان عندها مفعول رائع مع اني نشرب حبوب منع الحمل طبيعية ماشي تاع الحليب ولدي عنده 7 اشهر ومزال يرضع طبيعي كنت نشرب في الاول 2 الى 3 حبات في اليوم وكي بدا ولدي ياكل وليت نشرب حبة برك
كما انو نصحوني بشرب الرايب واكل حلوة الترك وفعلا كان عندهم مفعول والله اعلم
انصحك اختي باكل التمر فهو مفيد جدااااا في در الحليب وايضا اكل الكسكس بالحليب هو ايضا مفيد عن تجربة
واكثري من شري السوائل مثل العصير والنعناع
ربي يحفظوهلك ويجعله من الصالحين
واكثري من شري السوائل مثل العصير والنعناع
ربي يحفظوهلك ويجعله من الصالحين
اختي الكريمة حدة ادا كنت حبسيتيلو ايمات لازم قبل ما تمديلو اعصري مليح الحليب اللول ما تمديهولوش حكا تقولي ما ماشي مليح ومن بعد رضعيه كولي الحوايج لي فيهم الزبدة وتمر كيما رفيس زيراوي .زرير رخسيس(كسرة مبسسة) حلوة ترك و الحليب اشربي بزاف كيما قبل ما ترقدي اشربي و ما تنحيش البيبرو خليلو ولو مرة وحدة في ليل كي يجي يرقد باه يقنع و ما يبكيلكش بزاف وقبل ما تبداي ترضعي اشربي الما انا كنت نعطش كي نرضع لازم قدامي الما ونوصيك كي تقلقي بزاف ولا تخلعي ما تشربيش ولدك الحليب اعصري سع ومن بعد رضعيه انا نتبع طرق القديمة يقولو الحليب نتاع قلقة ولا خلعة ماشي مليح للصغير المهم كشما حتجتي اختي رانا خواتاتك سقسي راح تلقاينا ان شاء الله في الخدمة ربي يحفظلك وليدك
الله يعطيكم ما تتمناو انشاء الله و ربي يحفظكم على هذه الردود الجميلة انشاء الله نبدا ندير واش قلتولي و بعد ايام نردلكم بالخبر النتيجة.