سؤال الى الامهات المرضعات. 2024.

السلام عليكم ورحمة الله وبركاته

نتمنى اخواتي لي مرت عليها هذه الحالة تقولي واش دارت عندي ابني في عمرو 11 شهر نرضعو من صدري في كل مرة ييبس الحليب ويديرلي الحمى والام كبيرة قالولي عادي ممكن عندي االحليب بزاف او وليدي ما يرضعش بزاف في كل مرة يصرالي هكذا نتحمل الالم نحس الثدي تاعي يابس كي الحجرة ونحس الم كبير من بعد يرجع عادي واليوم عاودت رجعتلي الحالة راني نعاني من الم كبير في الثدي ما قدرتش حتى نرضع وليدي
كل الشكر لمن ردت علي.

حبيبتي انا تصرالي لكن كي ما نرضعش بنتي نهار كامل كي نخرج ولا
بصح نعطيها ترضع كل ساعة حتان يفرغ الحليب و نريح
لكن انت تبانلي طولي باه ترضعي وليدك ولا هو ما يمصش مليح
شوفي تقدري تعاوني روحك بكمادات بالماء الدافي
ودا طولتي هكدا شوفي الطبيبة

هادا الحليب ديالك كي يتجمع يتصلب و يديرلك هكدا ادا وليدك مايرضعش اشري تيغ لي **مصاصة الحليب و اجبدي و ترتاحي

صح اختي وليدي ذك راه ياكل يعني ما يرضعش بزاف ممكن هذا هو السبب وشكرا على النصيحة ان شاء نجربها ونلقى نتيجة اما الطبيبة رحت مرة اعطاتني ابر بصح ما درتهمش ما نكذبش عليك ما عنديش ثقة في الاطباء تاوعنا .
يعطيك الصحة على الرد.

شكرا ليك اختي نشري تيغ لي ونشوف

حبيبتي كيعاد ما يرضعش بنك بزاف علابيها يتجمع الحليب وييبس عليك صدرك ما عليك غير بلا تيغ لي كتشوفيه بدا يتجمع اجبدي بيها راهي تريحك وبنك ما تزيديلوش البيبرون كيعاد فيك الحليب الله يبارك رضعيه انتي فرات مع الماكلة نتاعو وربي يحفضلك ابنك حبيبتي

شكرا ام اياد اليوم ما عطيتلوش ياكل رضع من صدري برك وذرك راني مليحة الحمد لله نقص علي الالم

شكرا حبيبتي ام اية على الرد ربي يحفظلك اولادك .

.
.
.
يمكن راه يدير في السنين يولي يشد الثدي بفمو بصح ما يمصش مليح …
جربي واش قالولك البنات …
.
.
.