دولمة الكرنب من مطبخي . ساهلة و بنينة

بسم الله الرحمن الرحيم
الحمد لله و الصلاة و السلام على رسول الله
السلام عليكم و رحمة الله تعالى و بركاته
المقادير:
ـ رأس كرنب.
ـ 3 أو 4 جزر.
ـ زيت.
ـ حبة بصلة كبيرة
ـ ملح.
ـ فلفل أسود.
ـ طماطم مصبرة.
ـ بطاطا مقلية (إختيارية).
ـ لحم مفروم.
ـ حفنة روز.
ـ بيضة.
قرفة.
ـ ماء.
طريقة التحضير:
أولا حاجة نقو الكرنب مليح و نغسلوه و نفصلو ورقات و نديروه في الماء كي يغلى نغطسوه مليح في الماء و نطفو عليه النار و نخلوه شوي من بعد نقطروه

بعدها نروحو للمرقة نقطعو بصلة كبيرة و نضيفو عليها الملح و فلفل أسود و نحمسوه في الزيت

كي نشوفو البصل ذبال نضيفولو الماء و جزر مقطعة دوائر

نخلوه كي يغلي نقصولو و الي تحب ديرلو شوي قرفة دير و الأحسن تكون تاع العود
بعدا نروحو للحم نضيفولو حفنة روز و شوي قرفة مطحونة و شوي ملح و فلفل أسود و بيضة و نخلطو و نخلوه في الثلاجة حتى وقت الإستعمال

من بعد كي يكون هداك الكرنب قطر مليح نحطو وحد 2 ورقات فوق بعض و لا 3

من بعد نحطو فوقهم كرية من خليط اللحم المفروم

و نغلفوها بالكرنب

و هنا راني كملتهم كامل غلفتهم

دك نشوفو الجزر يكون طاب نحطو الكرنب في المرقة و كي يقرب يطيب نديرو شوي طماطم مصبرة

و نخلوه حتى يطيب و الأحسن هذوك اللي تشوفو اللون تاعم أخضر قاتم حطيهم من التحت لأنو هذوك يعطلو باش يطيبو كثر من هذاك اللي لونو صفر
و هاهو بعدما طاب

و هنا راني زدتلو بطاطا مقلية مقطعة مكعبات

صدقوني بنينة و هي من الأطباق المفضلة عندي
مدولي رأيكم

امممممممممم سخفتيني يا الفحلة
يعطيك الصحة
مشكورة
متحرميناش من أطباقك

هاااااايل حبيبتي نور
هدا نقولولو حنا عصبان الgلاليل (الفقراء)
طبخاتك تشبه كثيرا طبخاتنا
من اين انت نور؟؟؟؟؟
مشكوووووورة

الله يسلمك
العفو….. لا تحرميني من مرورك الرائع

أنا من بومرداس و أنتِ؟؟
العفوووووووووووو ام منذر ربي يخليك

خيار الناس حبيبتي
متشرفين
انا من مدينة حب الملوك
– مليانة –

الله يبارك متشرفة بك أختي

السلام عليكم، و الله حبيبتي نور الهدى كنت رايحة نديرو للعشا بصح بالجاج و الزرودية رابي، دارتو خالتي وحد المرة و عجبني، حبيت نديرو مي ما شفتهاش كيفاش دارتو..هههه، المهم اليوم عجزت و عندي السطر في كرشي، قلت غدوا للفطور و اليوم مرقاز و سلاد و فريت، يعطيك الصحة هايل

و عليكم السلام
أسأل الله العظيم رب العرش العظيم أن يشفيك ..طهور إن شاء الله
بصحتكم أختي ……الله يسلمك
ربي يسترك و يوفقك
تشرفت بمرورك

يشهي يعطيك الصحة
انا نمووت على دولمة الكرنب

دولمة الكرنب من مطبخي . ساهلة و بنينة

اترك تعليقاً إلغاء الرد