اهلا بحراير المنتدى ههههههه واش راكم اليوم حبيت نشوف طباخاتنا الماهرات وحتى المبتدئات كيف هو عالم الطبخ والمطبخ عندهم صح الفكرة منقولة لكن غيرت كل شيئ فيها ههههههه يعني فكرتي وماشي فكرتي هههههههه
المهم راح نبدا انا وعليه يكون الباقي الي تدخل تجاوب وهكا نستفيد من بعض ونتعرف على بعض اكثر في الكوزينة هههههههههه
1/ وضحي بسطر علاقتك مع الطبخ والكوزينة هههه؟
2/ تعرفين أماكن الأغراض في المطبخ لو احتجتي لشيء فيه ؟
3/ أول مرة طبختي فيها متى ؟ وما هي اول طبخة لك؟ وهل نجحت او فشلت (حرقتيها ولا الملح بزاف هههه) ؟
4/ أكثر شيء تحبين تعمليه في الكوزينة ؟
5/ طبخه حاولت بزااف حتى اتقنتيها ؟
6/ أمك او زوجك او اخوك تطلب منك تطبخين شيئ معين لانه من ايديك لذيذ اكثر؟
7/ الأهل يمدحون طبيخك او يعلقون هههههه ؟
8/ أخر شيء جربتيه في كوزينتك مقبلة او حلوى او مشروب…..؟
9/ الفطائر .. الكيك .. العجائن….اطباق تقليدية…..اي ذلك اقرب اليك وتتحمسين له اكثر؟
10/ لو دخل عليكم ضيوف فجأة ! هل ترتبكي او تعدين وجبة سريعة وفي نفس الوقت تليق بالضيافة؟
11/ تحبين تنوعين فـ الأكل وتجربين وصفات جديدة ؟
12/ متى أول مرة سويتي فيها قهوة ؟ وهل ضبطت من أول مرة ؟
14/ برأيك من الضروري البنت تتعلم الطبخ ؟
15 / هل إنتي من النوع اللي يطيخ بين فترة وفترة وإلا ما تعرفين درب المطبخ هههههه وتعتمدي على امك واخواتك ؟
16/ أكثر الأكلات اللي تحبينها والعصير المفضل ؟
17/ اليوم عليك الدور في المطبخ واش ديري لينا ؟
الفطور ………………………………………….. ……….
الغداء ………………………………………….. ……………………
العشاء ………………………………………….. …………….
18/ نصيحة للبنات في عالم الطبخ والكوزينة ههههههه؟
انتظر تفاعلكم وقبل اجيب انا الاولى ههههههههههه
1/ وضحي بسطر علاقتك مع الطبخ والكوزينة هههه؟
علاقتي بالمطبخ منذ الصغر علاقة وطيدة احب تجريب كل شيئ احيانا انجح واحيانا افشل لكن المهم همتي عالية في الكوزينة ههههههه
2/ تعرفين أماكن الأغراض في المطبخ لو احتجتي لشيء فيه ؟
طبعا في بيتي اليوم وايضا بيت اهلي لما نروح نعرف كل حاجة وبلاصتها ههههههههه
3/ أول مرة طبختي فيها متى ؟ وما هي اول طبخة لك؟ وهل نجحت او فشلت (حرقتيها ولا الملح بزاف هههه) ؟
اول مرة عمري 6 سنوات جداتي علمتني الكسرة كانت يديا صغار وانا نعجن وهي تعلم فيا ههههههه وجات كسرة واش نقول ههههه يابسة وعوجة المهم من بعد تدربت على يدها ونجحت هههههه
4/ أكثر شيء تحبين تعمليه في الكوزينة ؟
التسياق وتبديل الديكور نشتي كل مرة ديكور جديد ونشري اكسسوارات الكوزينة كاش نهار نصورها لكم ههههههههههه
5/ طبخه حاولت بزااف حتى اتقنتيها ؟
البقلاوة بسيف ما اتقنتها كان عندي مشكل نديرها عادي لكن بعد ما طيب تفسدلي بسبب كثرة السقيان نتاع العسل او قلته وبسيف ما حكمت الكيل والميزان ولحد الان تجيني رهبة منها ههههههههه
6/ أمك او زوجك او اخوك تطلب منك تطبخين شيئ معين لانه من ايديك لذيذ اكثر؟
العجائن عيش وشخشوخة ولمفرمسة والكسكسي كامل يجو بنان من ايدي ههههههههه نشكر في روحي 
7/ الأهل يمدحون طبيخك او يعلقون هههههه ؟
ايه ماما تعول عليا وسبق طبخت في عرس عمي يعني درت شربة لحد الان يهدروا عليها 
وحتى اهل زوجي مرة في رمضان عرضونا وانا الي طيبت عجبهم وصحاب زوجي ديما يقولوا طياب هايل نتاع اهلك ههههههه وخاصة كسرتي رخسيس نتقنها بزااااف والملاحظة الوحيدة هي الحار انا نحب الحرور وديما يوجهولي ملاحظة نقصي منه
8/ أخر شيء جربتيه في كوزينتك مقبلة او حلوى او مشروب…..؟
درت امس شوارما بالفطر والدجاج شفتها بالنت جات بنينة ههههه غير ناقصة شويا ملح ههههههه
9/ الفطائر .. الكيك .. العجائن….اطباق تقليدية…..اي ذلك اقرب اليك وتتحمسين له اكثر؟
الفطائر والغراتان نموت عليهم
10/ لو دخل عليكم ضيوف فجأة ! هل ترتبكي او تعدين وجبة سريعة وفي نفس الوقت تليق بالضيافة؟
انا لها ههههههه تم تم نقلي لحم مع بطاطا ونحطهم في الفرن ونصب عليهم فرماج وبيض المهم اكلة سريعة وتصلح خاصة للضيف القريب ماشي البراني
11/ تحبين تنوعين فـ الأكل وتجربين وصفات جديدة ؟
هوايتي هههههههه والحين عشقت في مطبخ السوري كل يوم ابحث وك نريح شويا نجرب الكباب و المجدرة شهوني ههههه
12/ متى أول مرة سويتي فيها قهوة ؟ وهل ضبطت من أول مرة ؟
من صغري ندير قهوة الغلاية (تتذكروها هه) لجداتي ونتاع البراس كيف كيف اهلي يعشقون القهوة حتى في الليل هههههههه ديما البراس فوق الطابونة جاهز ههههههههه وعادي قهوة قهوة يعني عمره لا واحد قالي قهوتك مميزة ههههه
14/ برأيك من الضروري البنت تتعلم الطبخ ؟
ضروري جدا جدا جدا انا يرزقني ربي ببنتي 6 سنوات ابدا ندخلها معي ونعلمها النظري فقط 10 سنوات تبدا التطبيقي هههههه لانه مهما قرينا ولا نخدموا ما كانش مثل كطيبي حاجة بيديك
15 / هل إنتي من النوع اللي يطيخ بين فترة وفترة وإلا ما تعرفين درب المطبخ هههههه وتعتمدي على امك واخواتك ؟
لا اطبخ من الصغر
16/ أكثر الأكلات اللي تحبينها والعصير المفضل ؟
عصير الفراولة يمي يمي ههههههه واحب غراتان البذنجان ونحب لازانيا ونحب البيتزا ونحب الشخشوخة
17/ اليوم عليك الدور في المطبخ واش ديري لينا ؟
الفطور = انا ما نفطرش غير فنجان قهوة او نيس كافي لكن اعمل لكم سفنج ولا براج مع حليب سخون هههههه
الغداء
عجينة= كسكسي بالخضار و سلاطة وبطاطا مقلية مع فلفل حار مقلي ههههههه
العشاء
سفيرية بالدجاج مع سلطة وحميص حار وكسرة رخسيس وطبعا عصير او فاكهة
18/ نصيحة للبنات في عالم الطبخ والكوزينة ههههههه؟
لازم تتقنوا فن الطبخ وتتعلموا بالتجربة ولازم تكونوا حاذقات لما تدخلوا الكوزينة وكل حاجة في بلاصتها والطبخ كذلك فن لازم تكوني مدبرة ماهرة تطبخين حسب احتياجات العائلة يعني اكل صحي يحتوي على اكثر الفيتامينات خاصة للي عندها اولاد لازم تكون ذكية في الاختيار
فكرة جميلة جدا ان شاء الله لي عودة للاجوبة على اسئلتك الظريفة
مرحبا بك في كل وقت
اسعدني مرورك شكرا لك
اصبح الطبخ واجبا ودخول المطبخ لايمكن الهرب منه لكن في الحقيقة اصبحت احب واستمتع بذللك خصوصا لانني ارى الفرحة على وجه عائلتي خصوصا اخوتي الصغار
2/ تعرفين أماكن الأغراض في المطبخ لو احتجتي لشيء فيه ؟
حاجة باينة نعرف كل شئ وين راهو الا لماما بدلت حاجة واكيد رح نتوقع وين رح اتديرها لانو الكوزنة انتاعنا مش كبيرة بزاااااف
3/ أول مرة طبختي فيها متى ؟ وما هي اول طبخة لك؟ وهل نجحت او فشلت (حرقتيها ولا الملح بزاف هههه) ؟
اول طبخة كانت كيما كان عمري 14سنة كانت حميص
وجا مليح مي مسوووووووس (ناقص ملح)ههههه
4/ أكثر شيء تحبين تعمليه في الكوزينة ؟
نحب الطياب مي نكره المواعين لانو شايفة اختي معايا انا نوسخ وهي المسكينة واقفة تغسل
5/ طبخه حاولت بزااف حتى اتقنتيها ؟
هي مش طبخة مي الخبيز(الفطير يعني) حوالت بزااااااااااااف باش نجيبو مليح
مي دركه الحمد لله راني 100/100 فيه
6/ أمك او زوجك او اخوك تطلب منك تطبخين شيئ معين لانه من ايديك لذيذ اكثر؟
الصراحة ماما حابتني نتعلم كل شئ عندي اخوتي يطلبو مني بزااااف حوايج
خصوصا السندويتشات والبيتزا لي قغاتا…بزاااااااااف حوايج
وانا نلبي كل طلباتهم منحبش نخلي اكلة في قلب واحد منهم
7/ الأهل يمدحون طبيخك او يعلقون هههههه ؟
الصراحة عندي مشكلة ني نخاف من الملح بزاااااف نحبها تكون مسوس خير من مالحة هادي الي بابا طول يقولهولي (راهي مسوس )
مي دركه راني بديت نتخلى على خوفي وعدت نديرها مريقلة الحمدلله
8/ أخر شيء جربتيه في كوزينتك مقبلة او حلوى او مشروب…..؟
اخر شئ هو بريوش للقهوة درتو وجاني مليح الحمد لله اول تجربة كانت ناااااااجحة
9/ الفطائر .. الكيك .. العجائن….اطباق تقليدية…..اي ذلك اقرب اليك وتتحمسين له اكثر؟
الصراحة نحب الاطباق التقليدية لانها تهني وتصدرك ناسك والعايلة خير من الفطائر وهكدا خصوصا في الغداء مي في الليل دائما خفيف سلايط
شوربات او ليقغاتا
العجائن نديرها ايام الغسيل هههه ليه ليه متديش الوقت
10/ لو دخل عليكم ضيوف فجأة ! هل ترتبكي او تعدين وجبة سريعة وفي نفس الوقت تليق بالضيافة؟
نرتبك اكيييييييييييييييييييد سيرتو اذا مكانش كاين خبز ولا كسرة في الدار
مي بعدها نوجد حاجة خفيفة اكيد فريت اوملات و حميص ….
11/ تحبين تنوعين فـ الأكل وتجربين وصفات جديدة ؟
حاجة باااااااااااااااااااااااااااينة نحب بزاااااااااااااااااف الجديد والتجريب ونحب الابتكار
يعني نتلاعب شوي في التوابل باش نخرج الجديد هههههههه
ماما ساعات تقلي بركيك من التخلاط ومن بعد تجي الحاجة بنينه
12/ متى أول مرة سويتي فيها قهوة ؟ وهل ضبطت من أول مرة ؟
صراحه في الدار ميشربوش القهوة بزااااااااااااااف بابا يحب لاتاي
ومنديروش انا اتديرو ماما لانو وبيناتنا ميحبش غير تاي مدامو هههههه
14/ برأيك من الضروري البنت تتعلم الطبخ ؟
اكييييييييييييييييييييييييييييد ضروري تتعلم البنت الطبخ لانو اي ام مش عارفة الدنيا واش فيها
وكيما يقول المثل التعلم في الصغر كانقش على الحجر
يعني من سن 11 او 12 يمكن للام ادخال البنت للمطبخ ليس للطبخ بل المراقبة فقط
احسن من راهي نهار كامل وهي قدام التيلي ولا الانترنت
15 / هل إنتي من النوع اللي يطيخ بين فترة وفترة وإلا ما تعرفين درب المطبخ هههههه وتعتمدي على امك واخواتك ؟
بما اني انا لكبيرة ندخل بزااااااااااااااااااااف للمطبخ خصوصا في فصل الصيف كيما تكون مكانش لقرايا
مي في لقرايا الصراحة ماما تطيب في الويك اند انا نطيب
16/ أكثر الأكلات اللي تحبينها والعصير المفضل ؟
نحب العيش انتاع ماما لانو هاااااااااااااااااااااااااااااايل
هو الوحيد الي عمري ما تجرات باش نطيبو لانو ماما مخلاتليش مجال للمنافسة لانو الي رح نطيبو اكيد ميعجبهمش هههههههه
عصيري المفضل هوعصير الاناناس
17/ اليوم عليك الدور في المطبخ واش ديري لينا ؟
الفطور قهوة حليب بريوش.
ندير قاطو كروكي .غريبية…
الغداء ندير شخشوخة
العشاء مع انو في الغداء كلينا حاجة ثقيلة في الليل رح ندير شربة فريك
سلايط (اوراف وحشيش)
18/ نصيحة للبنات في عالم الطبخ والكوزينة ههههههه؟
الطياب راهو ساهل محتاج الى الحب برك
حبي الشئ الي راكي تطيبي فيه نضمنلك انها تكووووووووووون طبخة ولا اروع
دمتم حبيباتي واشكرك
واشكر ماما لانها علمتني الطياب ومزالها تعلمني
ربي يهنيك اموونة شكرا لمرورك الطيب
ها قد عدت اختي سلوى للرد 1/ وضحي بسطر علاقتك مع الطبخ والكوزينة هههه؟
علاقو وطيدة بصح ساعات نكره نحب نرتاح شوية هههه
2/ تعرفين أماكن الأغراض في المطبخ لو احتجتي لشيء فيه ؟
أكييييييييييييييييد
3/ أول مرة طبختي فيها متى ؟ وما هي اول طبخة لك؟
وهل نجحت او فشلت (حرقتيها ولا الملح بزاف هههه) ؟
لا أذكر لأني كنت صغيرة و كان راسي خشين
4/ أكثر شيء تحبين تعمليه في الكوزينة ؟
الطبخ
5/ طبخه حاولت بزااف حتى اتقنتيها ؟
القاطوات
6/ أمك او زوجك او اخوك تطلب منك تطبخين شيئ معين لانه من ايديك لذيذ اكثر؟
أكيد نطبخو بكل سرور
7/ الأهل يمدحون طبيخك او يعلقون هههههه ؟
يعجبهم طيابي
8/ أخر شيء جربتيه في كوزينتك مقبلة او حلوى او مشروب…..؟
حلوى
9/ الفطائر .. الكيك .. العجائن….اطباق تقليدية…..اي ذلك اقرب اليك وتتحمسين له اكثر؟
كلهم
10/ لو دخل عليكم ضيوف فجأة ! هل ترتبكي او تعدين وجبة سريعة وفي نفس الوقت تليق بالضيافة؟
الاختيار الثاني
11/ تحبين تنوعين فـ الأكل وتجربين وصفات جديدة ؟
طبعاو في كل الوقت
12/ متى أول مرة سويتي فيها قهوة ؟ وهل ضبطت من أول مرة ؟
كنت في عمر 10 سنوات في الابريق جات مليحة
14/ برأيك من الضروري البنت تتعلم الطبخ ؟
طبعا
15 / هل إنتي من النوع اللي يطيخ بين فترة وفترة وإلا ما تعرفين درب المطبخ هههههه وتعتمدي على امك واخواتك ؟
أنا متزوجة و نطبخ دائما الا اذا كنت مريضة
16/ أكثر الأكلات اللي تحبينها والعصير المفضل ؟
غراتان و الحساء بكل أنواعه و العصير عصير الليمون
17/ اليوم عليك الدور في المطبخ واش ديري لينا ؟
الفطور .كروكي مع قهوة حليب و كاس عصير…………
الغداء…كريات الكرم و الدجاج مرحيين و مقليين مع مرقة بيضا بالحمص و حساء الزعتر هذا غدايا اليوم مع السلطة و البرتقال
العشاء ….أنا دايما ندير حاجة خفيفة اليوم راح ندير باذن الله الروز الابيض مع لاصوص جاج مرحي تجي خاثرة من فوق و فرماج رابي
18/ نصيحة للبنات في عالم الطبخ والكوزينة ههههههه؟
الطبخ فن و ذوق و نفس
نتمنى التوفيق و كل مرة رانا نتعلمو طبخة و حاجة جديدة الحمد لله
لكن العجينة نتاع البيتزا ما تفسدش لك فهميني كيفاش تخبيها في الثلاجة ومن بعد كيفاش تحليها
وشكرا لمشاركتك غاليتي
.كريات الكرم و الدجاج مرحيين و مقليين مع مرقة بيضا بالحمص و حساء الزعتر
وهيبة اذا تقدري ابعثيلي الوصفة والكرم واشنو هو تقصدي ورق عنب مثل الخليجين ولا شنو ؟
اسعدني مرورك الطيب بارك الله فيك