بسم الله الرحمن الرحيم
السلام عليكم ورحمة الله تعالى وبركاته
تبارك الله ماشاء الله
جبتلكم حلوة الفرينة ررووووعة تدوب في الفم وبنينة بزااااف وساااهلة ونقدرو نحضروها في كل وقت
هاد الوصفة نشفا ملي كنت صغيرة تديرهالنا امي حاضرة دائما وفي هاد اليوم تفكرتها وسقسيتها ادا مزالها تتفكر الوصفة وخدمتها ونوعت في تشكيلها تقدري تشكليها كيما تحبي
وراني جبت الوصفة لخياتي للاستفادة دعوة خير لي ولي امي من قلبكم تكفيني
المقادير
500غ مارغارين
270غ سكر عادي
3 بيض
2ملاعق صغار فانيليا
1 باكي خميرة الحلوى
من800غ الى 900غ فرينة على حسل الحاجة
طريقة التحضير
نخلط المارغارين مع السكر جيدااااا حتى يرجع لونها ابيض بوماد
ونضيف البيض والفانيليا ونزيد نخلط جيدااا وبعدها نضيف الفرينة مع الخميرة حتى نتحصل على عجينة طرية وشكليها
كيما تحبي
شكرا لك وصفاتك دائما جميلة دام عطاءك
امممممممممممممممم حبات يشهيو نتاع حليب يعطيك الصحة يالفحلة انا ثاني نحب ندير حويجة نتشربو بيها لحليب افضل من قاطو الحانوت ههههه
الله يعطيك الفالف عافية عليك و على وصفاتك الشهية
ربي يخليلك الوالدة …
ما شاء الله ….تشهي بصحتكم حبيبتي
ما شاء الله ….تشهي بصحتكم حبيبتي
اممممم بنينة ربي يخليك انت والوالدة
ربي يطول عمرها ويخليهالك ومشكورة على الوصفة
بصحتكم هايلة نحب بزاف القاطو ساك تاع الحليب .يعطيك الصحة انت و ماماك.
حلوى سهلة وخفيفة شكرا
يعطيك الصحة ساهلة وتبان خفيفة