حلوة اللمبوط من مطبخي 2024.

ادخلو و اعطوني رايكم جربت حلوة اللمبوط و الوصفة شفتها على قناة سميرة

الله يبارك يا الفحلة

الله يسلمك و يخليك على الرد الجميل

الله الله تسلم الايادي

الله يسلمك يا رب

يعطيك الصحة ممتاز

مليييييحة بزاف ربى يخليك

رائعة الله يعطيك الصحة
عطينا الوصفة

[u]لعيونك الوصفة كالتالي
ثلاث حبات بيض كبار
250غ سكرناعم
250 ملل زيت
واحد خميرة الحلوة
قشور القارص و لافاني على حسب توفرهما (نقدرو نستغناو على واحد فيهم اذا ما توفرش)
فرينة حسب الحاجة
الطريقة
نخدم البيض و السكر معاهم لافاني و قشور القارص جيدا ثم نضيفلهم الزيت و نخدم جيدا حتى يتجانس الخليط و نديرو الخميرة ونضيفو الفرينة حتى تتلم العجينة وهنا ملاحظة مهمة مالازمش تكون يابسة باه تجيك خفيفة و هشة يعني تبقى تلسق شوي العجينة
هنا نسخنو الفرن على مية وثمانين و نجيبو اللمبوط ونحطو قليل من الفرينة قدامنا باه نغبرو يدينا لان العجينة تلسق شوية و نبداو ندخلو العجينة فاللمبوط و نخرجو ونقطعو لما نكملو ناخذو كل قطعة نلفوها قليلا حول نفسها و نربطوها على شكل اساور وهنا الحجم حسب الرغبة ونطيبوها راهي تمتم تطيب
وبالصحة والراحة.

يعطيك الصحة اختي