جننت زوجي ليلة العيد

بدخل بالموضوع على طول المهم حبيت اسوي لزوجي ليلة رومنسية

رحت وحضرت اشياء من قبل:
-1/ دخلت صورة لي انا وياه يوم العرس وطبعت الصورة وفوقها كتبت شعر عن اني اهدي له هدية وكتبت اخر شي حبيبتك/…….
ولفيتها عشكل اسطوانه وربطها بشريطة حمراء وفيها بالنص وردة
-2/ قبل العيد باسبوع رحت وشريت له هدية ووديتها لمحل تغليف الهدايا غلفوها لي مضبوط بالاحمر والذهبي
-3/ ليلة العيد صرفته وقلت لا تجي لما اقولك
-4/ جبت علبه مليانه شموع صغيرة اللي تنحط ع الارض وحطيتها من مدخل الشقة الى غرفة النوم ومررت منها للصاله
-5/ رحت لغرفة النوم واعدت الهيكلة ورتبتها وعطرتها وشغلت شموع من زهور الريف بكل مكان بغرفتي يعني وزعتها وعندي ثريا بالغرفة اقصرها على اللي ابي قصرتها لاخر شي مع اضواء الشموع
-6/ رجعت للسرير وهو اهم شي عطرته وحطيت مفرش جديد وجبت ورد جوري وسويت بنص السرير قلب حب بالورد الجوري
-7/ تعرفون قوالب الكيك الشفافة اللي غطاها من فوق كرستالة فرشت قاعدتها ورد جوري وحطيت هديته بالنص ووردة حمراء شاريتها والرسالة اللي فيها الصورة اللي سويتها له من قبل
-8/حطيت هذا القالب بنص القلب اللي على السرير وحطيت جوانب القالب شموع صغيرة باللون الاحمر من الجهات الاربع صارت ضوء الشموع يعكس على الهدية اللي جوا القالب طلعت روووووعة

عالم الحياة الزوجية
،
الحياة الزوجية

-9/ سويت له عشاء اللي يحبه بشاميل وسلطة وجهزته
-10/ رحت اخذت شور وطلعت وتعطرت واستخدمت اسلحتي الخاصة بالعطور اللي اخليه يدووووخ منها

-11/ سويت ميك اب اوفر وفكيت شعري ببف لانه يحب شعري مفتوح ولايمكن يخليني اقصه ولبست زي لبس الرقصات جبته من الكويت رووووووعة كنت تو مشتريته
-12/ جهزت اغنيه له اللي يحبها << وابدعت له بالرقص
-13/ طفيت اضواء الشقة وخليت بس ثريات الصالة والشموع اللي من الباب للصالة للغرفة
-14/ رحت وارسلت رساله وقلت : حبيبي في مفاجات بالبيت تنتظرك!!!

تدرون يااابنات ارسل ع طول وقال جايك صاروخ يااااعمري مت عليه من الضحك

بس قلت له لحظة شوف مفاجاتك بعد بالغرفة ورحت انا وياه وكذللك اعجبته فكرة القلب

وعشناااااا ليلة ولا كل اللياااااالي !!!!