جديد: طبق الجريواتبالبيشامال في الفرن من مطبخي 2024.

كيف الأحوال؟؟
إن شاء الله بخير

البارح درت هذا الطبق و كامل عجبهم
أنا كنت نديرو بطريقة مختلفة و لكن المقادير نفسها و هذي أسهل
نبدأ على بركة الله
أولا:
جريوات نغسلها و نقطعها دوائر ثم نفورها حتى تطرى

من جهة أخرى
نوجد الكفتة(ماكانش عندي بزاف حق كمشة صغيرة) :
2حبات بصلة صغار+ 4 سنات ثوم شرائح + 1 م ك زبدة+ملح+فلفل أسود

و نقليهم مليح حتى تذبل البصلة
ثم نخليو نصف البصل جانبا باش نضيفوه فالبيشامال

و النصف الآخر نزيدو عليه الكفتة و نخليها على النار حتى تطيب و تتحمر و نخليها جانبا

و من جهة أخرى أيضا نوجد صلصة الطماطم=3حبات طماطم مقطعة مربعات صغيرة+2سنات ثوم مرابي+ملح +فلفل أسود

الآن كل المكونات واجدة
ندهن المول بالزبدة ثم نضع طبقة من البيشامال ثم نفرش نصف كمية الجريوات

ثم الكفتة

ثم صلصة الطماطم

ثم طبقة خفيفة من البيشامال

ثم باقي الجريوات

ثم البيشامال

و في الأخير الجبن المبشور

ثم إلى الفرن حوالي 10 دقائق من تحت ثم نشعل من فوق باش تحمار

و هاهي كي خرجت من الفرن

و أي استفسار أنا في الخدمة

** لا تحرموني من ردودكم و تقييماتكم **

سلام

وصفة رائعه و أكيد راح يتوه أفراد الأسرة عند رؤية الطبق
بعد خروجه من الفرن ،
شكرا لك كثيرا على الوصفه
التي ستحبب لنا القرعة التي يتفاداه الكثيرون في أطباقهم رغم
كل الفيتامينات التي تحتويها .