تورتة سلق و البطاطا في الفرن 2024.

اليوم جبتلكم طبق سلق بالبطاطا من مطبخي روعة و كل افراد عائلتي يموتو عليه انشاء الله يعجبكم

المقادير
بطاطا مقطعة دوائر و مقلية
السلق نكونو غليناه في الماء و نصفيوه
حبة بصل صغير
سنينات ثوم
ملح+فلفل اسود+كمون+2 حبات طماطم كبار +مغرف صغيرة طماطم +رند+دبشة
5 بيض
كرام فراش او جبن طري

التحضير
في مقلاة نحط الزيت و نقلي فيه البصل و التوم و نرمي عليه السلق و الطماطم الحب و المصبرة و التوابل و نخليه حتى ينشف شوية من الصوص
نجيب صينية الفرن
نستف البطاطا و نرمي فوقه السلق و نزيد الطبقة الثانية من البطاطا و نصب عليه خليط البيض و الجبن و نحطوه في الفرن يتجمر
و بنته لا تقاوم

و هنا قدمته مع سلطة و خبز

يعطيك الصحة اختي
يميمميم نموت في السلق

من الأطباق المفضلة عندي السلق
وصفة رائعة إيمان وتشهي ♥
حبيت نسقسيك
le petit pain صنعتيه فالبيت ولا أشريتيه إذ ا كان مصنوع فالبيت
ياريت تحطيلي الوصفة نكون ممنولتلك ختي
وبصحة ولهنا

يعطيك الصحة يالفحلة باين بنين من صورتو

الله يسلمك حبيبتي
و بصحتك راه الصحن ليك

نورتوني غالياتي

يعطيك الصحة ايمان هههه هاذا ناكل منه ك مفيهش الدجاج