اليكم طريقتي في عمل التميرات و هذه الحلوى عندها تسميات كثيرةكاين اللي يقلهم صبيعات العروسة او سيقارات معسلين
اتركم مع المقادير + طريقة التحضير المرفوقة بالصور
–2بيض بدرجة حرارة الغرفة
– تقريبا كاس سكر عادي
– كاس لتاي زيت
– كاس لتاي حليب بدرجة حرارة الغرفة
– مغرف قهوة عطر فاني او مبشور ليمونة
– 1كيس او ملعقة كبيرة خميرة كيميائية
– الفرينة حسب الطلب
– زيت للقلي
– عسل
– سكر رطب او جلجلان للتزين
التحضير :
1/ في اناء بواسطة خلاط كهربائي ندير البيض+ سكر+ مبشور الليمون او لفاني و نخلط الكل حتى نحس بلي السكر ذاب و تحول لونه الى الفاتح
2/ نضيف الزيت بالتدريج مع موصلة الخلط من بعد نزيد الحليب ايضا مع المواصلة في الخلط
3/ نضيف شوية فرينة + الخميرة و نخلط غير بالشوية من بعد نبدا نضيف في الفرينة بالتدريج حتى نتحصل على عجينة متماسكة و طرية
4/ نخليها ترتاح مدة 10د
5/ تسخن الزيت جيدا واثناء القلي ننقص من النار و تقلى الحبات على نار هادئة جدا جدا و بواسطة ملعقة نوضع الزيت فوق حبات التميرات باش تنتفخ من كل الجوانب نخليها تنقلا مليح على نار هادئة و نلاحظ ان حجمها يضاعف و نواصل مع البقية حتى الانتهاء من العجين
6/ نقدر نشكل العجينة على شكل اساور
7/ اثناء القلي توضع الحبات في الكسكاس لتقطر من الزيت
8/ كي تبرد الحلوى نسخن العسل في كسرونة من بعد نغطس الحلوى و نعسلها مليح( انا عسلت كمية فقط و الباقي خليتو ناشف الى حين التقديم)
9/ نقدر نرش عليها كمية قليلة من السكر الرطب اثناء التقديم او كمية من السمسم ( الجلجلان) و لك الاختيار
10/ و هذا شكلها النهائي
حنا نقلولها صبيعات لعروسة
بصحتكم
كلشي من يديك يشهي يالغالية
انا ثاني نديرهم بصح الكيل عيني ميزاني
يعطيك الصحة
جاوك روووووعة
لك تقيمي
حنا نقولولهم السيقار
و كاين اللي يرمدوهم في السكر قلاصي
جزاك الله خيرا أميرة
ربي يسترك
