و استعملت مادة تسمى مادة لتصبير الزيتون بسرعة هاهي:
لتحظير 10كلغ من الزيتون يجب خلط 8 لتر من الماء و 1 كلغ من هذه المادة و تركها لمدة 8 ساعات.
ثم يوضع الزيتون في الماء لمدة يومين لتصفيته مع الإعتناء بتغير الماء عدة مرات في اليوم حتى يصبح الماء صافيا
اذا استعملت الزيتون الأخضر كي تحطيه فالماء غطيه بتبسي (صحن زجاجي و حطي عليه حاجة ثقيلة باش يبقالك لونو أخضر و شباب)
و هادي هي المقادير اللي ستعملتها
نرابي الزرودية (الجزر) نحطلها معدنوس و كرافس مقطعين رقاق و الثوم المرابية و نخلطهم مليح مع الزيتون
نحط طبقة زيتون في بيدون و نضع فوقها فلفل حار (أنت و شحال تحبي)، 2 سنات ثوم (ماتكثريش لأنك حطيتي فالزرودية)، براج طماطم تكون زرقاء من الأحسن و شرائح ليمون ثم طبقة زيتون و هكذا الا أن تنتهي من كل الزيتون
حظري محلول مملح
70غ ملح لكل 1 كلغ من الزيتونمع الماء و عصير 1كغ الليمون الأصفر مغيرفة خل أبيض
أو
كيلة ملح لكل 2 كيلات ماء مع 2 كيلات عصير ليمون
ضعيه فوق الزيتون
و غطيه بقشور الليمون المعصور (باش اذا غمل تنحي غير طبقة الليمون الفوقانية) مع ورقة رند و قرن فلفل حار
ضعي عليه طبقة من الزيت
غطيه بصحن كبير
اكتبي عليه التاريخ و لاتفتحيه أبدا قبل 10 أيام حتى لا تدخلي الهواء
يترك في مكان جاف و مظلم من الأحسن
و هذا بعد ماترقد
ودائما تبذلي مجهوود لرقي وازدهاار المنتدى
دمتي لنا ايتهاا الغالية
ربي يحفظك أختي أم منذر
مشكوووووورة على الوصفة
يعطيك الصحة اختي ام منذر كي ديريلو برودوي ما تشلطيهش.و مارسي على الشرح
دريه هاكداه حب ما تشقيه ما دقشيه
أي بدون أن تشقيه بالسكين و بدون أن تدهسيه بالحجر
مشكوووووورة
فقط أختي عندي سؤال الزيتون نتاعي شقيتو ودرتو في الماء … نقدر نحيه من الماء وندير هذي الطريقة ؟ وبالنسبة للبرودوي منين نشريه ؟ وجزاك الله كل خير على مجهودك القيم
اذا شقيتيه ماتقدريش دريلو البرودوي يتعفنلك
و هو يتباع عند الحوانت اللي يبيعو الزيتون المرقد
تقدري كي تروحلو المرارة و تنحيه من الماء تتبعي الطرق الباقية مي ماشي البرودوي
مشكووورة
وإن شاء الله نتبع نصايحك ونردلك الخبر … وإذا جاني مليح راني نصورو ونوريهولك ، أم إذا!!! راني نطفي الضو
وفي كل الحالات ديما ندعيلك بالخير … لأني تعلمت منك بزاف حوايج ربي يخليك لينا يا رب