تجربتي مع القران الكريم 2024.

السﻻم عليكم أخواتي
اوﻻ اسمحولي على الكتابة الصغيرة و الخط راني نكتب من التيليفون بورتابل
حبيت نحكيلكم شوية على تجربتي مع القران
صحيح كنت نقرا القران بصح مش مداومة عليه مرة على مرة برك و من فترة ديسيديت نقرا القران كل يوم يا لو كان 2 صفحات المهم بديت عندي بضع اشهر كالتالي:

في الصباح نقرا 4 صفحات على الأقل و كي يكون عندي وقت في وسط النهار و العشية ندير قناه ayaat و راني ندير في شغلي و في الليل قبل ما نرقد نزيد نقرا اللي نقدر عليه و هادي الطريقة اعتمدتها ملي غاب راجلي لمدة بحكم العمل
النتيجة: راحة نفسية ﻻ توصف و الأهم راني نرقد مليح كنت نسوفري ملكوشمار و الكوابيس و الهجامة و دوك الحمد. لله نومة هنيئة دون منغصات و راحة نفسية ما بعدها راحة
هادي تجربتي مع القران الكريم و راني مع المداومة و ربي يثبتني في هاد الطريق و يعطيني القوة باش نبدا نحفظ القران و الحمد لله على كل حال
اللهم ﻻ تذرني فردا و أنت خير الوارثين

والله القراان ينور الحيااة

انا مين نبعد عليه نحس روحي في حالة من القلق و التوتر

رب يتبتك

بارك الله فيك سمورة لتعريفنا بتجربتك الجميلة مع القرآن الكريم
ربي إجعل القرآن الكريم ربيع قلوبنا و محييها و مطهرها

اللهم اجعل القرآن العظيم ربيع قلوبنا، ونور صدورنا، وجلاء أحزاننا، وذهاب همومنا وغمومنا. اللهم ذكرنا منه ما نَسيناه، وعلمنا منه ما جهلناه، ووفقنا لتلاوته والعمل به آناء الليل وأطراف النهار على الوجه الذي يرضيك عنا. اللهم اجعلنا ممن يحل حلاله، ويحرم حرامه. اللهم اجعلنا ممن يرتل حروفه ويقيم حدوده، ولا تجعلنا ممن يرتل حروفه ويضيع حدوده.

برك الله فيك اختاه على هذا الموضوع القيم

اللهم اجعلنا من اهل القرآن
بوركتى عزيزتى على طرحك لتجربتك و ربى يقدرك و يقدرنا على حفظه

رب يثبتك أختي سمورة ويعينك على حفظ القرآن ويرزقك الذرية الصالحة

بارك الله فيكم أخواتي و جزاكم كل خير على الدعوات و لكم بالمثل إن شاء الله

الله يبارك

و فيك بارك الله أختي