بيتزا بالبطاطا مقلية والفلفل حلو والكاشير 2024.

اهلا وسهلا بكل حبايبنا في منتدانا الرائع
حبيت نشاركم اليوم بي بيتزا بالبطاطا مقلية والكاشيروبما ان ولادي يحبوها راني كل مرة نبحث على كل الانواع تيعها ويلا معاي الى المقادير
كيلو فرينة + مغرفة اكل سكر+مغرفة اكل خميرة+2مغارف اكل لحظة بودر+مغرفة اكل ملح+مغرفة صغيرة تع خميرة القاطو ونخلطهم مع بعض ونزيد نصف كاس زيت ونخلط حتى يدخل الزيت في الفرينة ثم نزيد بيضة ونخلط ونبلها بالماء الدافئ ونخليها ترتاح نصف ساعة
والان نروح لصلصة الطماطم كل وحدى والطريقة تاعهاانا نعمل 3 كعبات طماطم كبيرة مقطعة+زيت+سنات توم ملح فلفل اكحل شوية زعتر+مغرفة اكل طماطم علب كعبة سنرية مقطعة فلفل حار وبعد ماتتقلى +كاس ماء ونخليها طيب ولازم نحط مغرفة سكر باش تقتل الحموضة

ثم نروح نشوي الفلفل حلو ونقيه ونقصوا بالطول ومبعد نقلي البطاطا اما الكاشير نربيه وطبعا ماننساو الفرماج والزيتون الاسود والمعدنوس وبيضة رابي
وكي طيب لاصوص تع الطماطم نرحيها في الميكسور والان بعد ماطلعت العجينة ندلكها شوية وندهن البلا ونقرصها فيه + الصوص تع الطماطم+الفلفل الحلو المقطع+البطاطا مقلية+الكاشير رابي+الزيتون الاسود+الفرماج والى الفور لي يكون سخون مليح ونخليها طيب ولما طيب نحط البيضة رابي والمعدنوس واليكم الصور ان شاء الله تعجبكم

وصدقوني جربوها وماتندموش البنة ماعندي مانقلك تنسي في البيتزا نورمال
وعدرا راني ماعنديش بورتابل باش نصور كل الخطوات راني نصور بالكاميرا تع الميكرو

اممممممممممممممممممممم راهي تبان بنينة
فكره جد مميز ام عماد راكي تبدعى حبيبتي، تجرب إن شاء الله
سلمت و سلمت يداك بارك الله فيك

[align=center]تسلم الايادي و ربي يخليك لاولادك متعينا معاهم رانا نسناو فيك ديما[/align]

ربي يخليك لي يانور الهدى لي ديما منورة صفحاتي وربي يحفظك يام بيسو على الكلام العسل الله لا يحرمني من الطلة الباهية تيعكمكم

الله يبارك ام عماد هايلة وبالصحة على قلوبهم

الله يهنيك ياهناء

الله يعطيك الصحة والعافية انا نموت على البيتزا

الله يسلمك يالؤلوة البحرشكرا

يعطيك الصحة أختي راهي تبان بنينة الله يحفظك

بارك الله فيك و يعطيك الصحة اختي