اولا اعتذر لمجموعتي لانني لم اشارك بالكثير هذا الاسبوع الله وحده اعلم بما امر به من ظروف نفسية
المهم بعض تحضيراتي البسيطة لرمضان وا شاء الله تفيدكم اخواتي
هذي شباح الصفرة لطاجين الحلو
وهذا الكروكي درتو باش نتسحروا بيه
وهذا حميص زوجي يتوحم عليه في رمضان ويحب نعملو فوق الطابونة تقريبا كل يوم
لقيتها بزاف عليا مع السخانة والاولاد والحمد لله عندي فريقو كبير نضت خدمت كمية لاباس بيها وحطيتهم في صحونا صغارنتاع الفلون وحطيتهم في المجمد لما جمدوا جبدتهم وزربت نحيتهم وحطيتهم في الساشي المخصص للتجميد هكذا احسن مما تحطو الحميص مباشرة في الساشي كيعاد كي يكون ماوش مجمد رايح يلصق في الساشي ولكن هكذا مع تجبديه يتنحى
وهذو ليبول نتاع اللحم اول مرة نعملها لقيتها طريقة مفيدة علابالكم في رمضان كلشي
يزيد ويغلا شريت كمية اللي تكفيني وداويتهم وجمدتهم
بقالي البريوش نعملو وخلاص
ان شاء الله صوموه بالهنا والصحة
ان شاء الله نكونو ا ممن تعتق رقابهم من النار امين رب العالمين
يعطيك الصحة راكى قافزة مشكورة على الصور
عزيزتى عندى استفسار ممكن تقوليلى على وصفة الحميص و شكرا مسبقا
فكرة مليحه نتاع لحميص لانو لازم على الطاوله
ومتنسايش الديول البوراك ولا تشريهم؟؟؟
…
الحميص انا نحطوا فوق مشبك يعني الطماطم والفلفل الحلو والفلفل الحار والثوم على الطابونة ونخليه حتى يدبالو مرة على مرة نقلبهم
لما يذبالو نحيلهم القشور
ونقصهم طراف صغار خلاص
عندي القطاعة اللي يستعملوها السوريين باش يقصو المعدنوس لكان عرفتيها نقص الحميص بيها يجي رقيق روعة
ومن بعد نحطو في طنجرة على النار غير شوي مدة خمس دقائق فقط مع شوي زيت باش يزيد يذوب مليح
نحطلو زيت الزيتون مع شوي خل وملح وونخلط وشهية طيبة ههه
و
وصحا رمضانكم عزيزتى
اكيد هذا الطبق لذيذ بصح الحار منقدرلوش يعطيك الصحة اختى