السلام عليكم و رحمة الله و بركاته
اليوم راني جيت و جبت معايا وصفة البسبوية ساهلة و بنينة
المقادير
كيلة بيض
كيلة سميد متوسط
كيلة خبز يابس مطحون (لشبوغ)
كيلة نواة كوكو او كوكاو محمص و مطحون
كيلة (زيت + دهان)
كيلة حليب رايب
ربع كيلة سكر
2 خميرة كيميائية
بشر الليمون
التحضير
في بول ديري البيض + السكر + بشر الليمون+ قرصة ملح و خلطي مليح بالباتور
ضيفي الزيت ثم الحليب الرايب + لشبوغ و الكوكاو و خلطي مليح
زيدي السميد و الخميرة الكيميائية و خلطي
مبعد ديري الخليط في سنيوة مدهونة بالزبدة و دخليها للفرن و فور خروجها منه سقيها بالشاربات
و هذا هو شكلها 
و بالصحة و الهنا
هل استعملتي الرايب ؟؟؟؟؟؟
شفت العنوان جيت نجري نحبها
شكراا لك يا سجى
يعطيك الصحة عالى الوصفة والطريقة أختي