اتركم مع المقادير المرفوقة بالصور
المكونات رقم 1
-كاس فرينة
-كاس سكر عادي
-كاس زيت
-3بيضات ( نحتاج 2 حبات كاملين + 1 بياض و صفار نحتفظو بيه للطلاء)
-1 خميرة كيميائية
-1 ملعقة كبيرة خميرة الخبز
-2 ملاعق كبار ماء الزهر
-2 كؤوس حليب دافي
المكونات رقم 2
-كمية من الفرينة تصل تقريبا من 800غ الى كيلو
-ملح
للتزيين
-نباج او لاجيلي اذا ماتوفرش نقدر نستعمل المربى
-شوكولا
-سكر رطب او جوز هند
التحضير
-في خلاط كهربائي ( ميكسور) ندير المكونات رقم 1 و نخلط مليح مدة 5د تقريبا حتى تمتزج كل المكونات نفرغها في ليان كبير و نخليها ترتاح مدة 10الى 15 د حتى تختمر ( تشبه طريقة عمل عجينة 10 دقائق)
-من بعد نضيف المكونات رقم 2 و نخلط الكل مع بعض ( لازم ماتكثريش الفرينة حتى يجي البريوش خفيف ماشي معلك برك قيس ماتتلم ) نغطيها و نخليها تخمر على جهة في مكان دافي
-كي تخمر ندي صينية او كيما تحبي تشكليها انا خترت هدي القوالب و صينية كبيرة تدهنيهم و ترشيهم بالفرينة و نشكل كريات كل وحدة ندير داخلها حبة شوكولا و نطليها بصفار البيضة + قليل من القهوة الداكنة او سريعة الذوبان و نزيد نخليها تختمر
-بعدما تخمر ندخلها الفرن يكون ساخن من قبل و نخليها حتى تدي اللون الذهبي
-كي نخرجها نطليها بلاجيلي او مربى المشمش او فراولة كيما تحبي انا هنا طليتها بلاجيلي نتاع سفرجل اللي سبق و عملت عليها موضوع
-من بعد نرش عليها السكر رطب او جوز الهند وهذا هو شكلها النهائي
ملاحظة
– هذا النوع من العجينة يجي يلتصق كي نروح نشكل الكريات يغلبنا شوية املا كل مرة قبل ماتشكلي كرية اغطسي يديك في ماء عادي و شكلي كيما ندير كي نخدم السفنج
احلى تقييم لحبيبتي
سلمت ايديك
يشهــــــــــــى يبان بنين بزاااف
بارك الله فيك وعليك
وأحلـــــــــــى تقييم لعيون حبيبة قلبى
الشكر لمجهوداتك الجبارة نحو المنتدى وعلى هذا الموضوع الرائع
حـيـاك الله وجـزاكالله عـنـا كـل خـيـر عـلـى مـا أتـحـفـتـنـا بـه
مـن هـذه الـدرر الـطـيـبـة الـمبـاركـة جـعـل الله مـا خـطـطـتـه يـداك فـي سجـلِ حـسـنـاتـك يـا رب
اسـتـمـري أكـثـر حـتـى نـسـتـفـيـد مـنـك أكـثـر اللـهـم لا تـعِـقـنـا عـن الـعـلـم
بـعـائـق ولا تـمـنـعـنـا مـنـه بـمـانـع
تقبلي منـي أرق التحــايا وأعطرهــا وفقك لله
احلى تقيييييييييييم لعيونك+
