براز الرضيع الاخضر 2024.

الله يحفظ لكم وليداتكم وليدي كيما كمل 3 شهور عندو وحد سمانه ولا اقل ولا البراز تاعو اخضر وكل شويه يعمل كاكا شويه برك ما عرفتش واش بيه…كي شفت في قوقل لقيت بلي معناه راهو يرضع غير اللبا لي يجي في الاول وما يكملش الرضعه الحق وليدي من لي جبته يرضغ غير شويييه مام با 5 دقايق وكان الكاكا تاعو عادي ما عرفتش واش بيه وحسيتو شهرين لولين سمان وهاذ الشهر عادي ما هوش ضعيف بصح ما زادش بنفس الريتم والله ما عرفتله قريت ثاني بلي ممكن يكون مشكل في الامعاء واش رايكم ولي مرو بهاذ المشكل يردو عليا الله يخليلكم وليداتكم

ممكن هناك أسباب كثيرة منها ماذكرتي او ممكن تناولك انت لماكولات اثرت على حليبه او ممكن كيما يقولو ناس عندو غاز في كرشو اذا ماكانش عنده اسهاك تقدري ديريلو تيزانة تاع الكمون خفيفة أأكد خفيفة ممكن موالفة تشربيهالو اما اذا كان عنده إسهال من الأفضل تجنب انواع التيزانات لانها تزيد الإسهال و من الأفضل تديه للطبيب

ربي يحفظلك وليدك، أحنا نقولو كي يكون لون البراز أخضر معناها عندو برد ، بصح نصيحة أختي ماتبعيش الأنترنيت بزاف لأنه حتى و إن كانت معلومات صحيحة بصح كل حالة تختلف عن الأخرى؛ باش ما تقعديش مقلقة أدي وليدك للطبيب وفهميه واش كاين وهو يعرف ويعطيك الحل. وأدهنيلو بزيت الزيتون كيما قالت الأخت راهو جد مفيد. بالشفاء عليه

اختي كما قالت الاخوات اللون الاخضر معناه برد او غازات العلاج المناسب : دهن بطن الرضيع بزيت زيتون دافئ و بعدها وضع اوراق الخس دافئة أيضا عليها و غطيها بقطعة قماش حتى الصباح وان ممكن تكرر الطريقة حتى الشفاء

الطريقة مجربة وخاصة للرضع

ربي يشفيه

ربي يحفظكم على النصائح راني كنت حابة نديه لطبيب برك الظروف ماهيش سامحه قلت نستشيركم ربي يحفظكم على النصائح مسكين ماهو يبكي ماوالو ما عرفتلو والو …نجبلو الزيت ونشوف

ربي يشفي ابنك