اليوم درت فيها قراتان بنييييين من مطبخي

اليوم درت فيها قراتان بنييييين من مطبخي
قراتان المعكرونة باللحم مرحيGratin de pâtes à la viande hachée
المقادير
250غ لحم مرحي أو مفروم
بصلة متوسطة
2 سنات ثوم
ملح + فلفل أسود + توابل
شوية معدنوس مقطعة رقيق
كيس معكرونة تكون من النوع الملتف
صوص بيشاميل بطريقتي+فرماج مبشور
التحضير
•نرحو لبصل والثوم ونقلوهم في شوي زيت وكي يذبالو نزيدو عليهم اللحم المرحي مع شوية ماء ثم نحطو عليهم الملح والتوابل والمعدنوس… نقصو النارو نغلقو عليهم ونخلي اللحم يطيب حتي يتقلو شوي
في نفس الوقت تكوني حضرتي المعكرونة بعدما غليتيها في الماء 8 دقائق وقطرتيها مليح
جيبي المعكرونة وهي سخونة ضيفيلها مكعبات من الزبدة و شمخيها مليح بالزبدة حتان تذوب كان تحبي يكون عندها ذوق مميز ضفيلها le thym

• جيبي البلا وحطي فيه طبقة معكرونة و طبقة لحم ثم طبقة معكرونة ثم في الأخير لحم
من جهة تكوني حضرتي لاصوص بيشامال
(مغرف كبيرة زبدة+مغرف كبيرة نشاء.و نذوبوهم ونزيدوهم نص لتر حليب ونحركو على النار حتان يخثار المزيج
•نخرجوه من النارثم نضيف جوزة الطيب + ملح وكي تبرد نزيدولها 2 حبات بيض ونخلطوها مليح)
نضيف البيشاميل للخليط السابق و نوزع الفرماج المبشور و شوية زيتون مقطع
وهاو ليكم القراتان بالصحة والهناء

بصحتكم ام نبراس
والله غير باين بنييييييييييين

يعطيك الصح أختي هذا من ذوقك

ماشاء الله تبارك الله
الله يدومها نعمة عليك وعلى امة محمد

مممممممممم تشهي ….بارك لله فيك

شكرا لكن على الردود الرائعة

يعطيك الصحة عالوصفة باين يجي بنبن
بصحتكم

شكرا حبيبتي ام سيرين على الرد