كيجو روعة فالمذاق وهي شهيوة تقليدية
المقادير :
2 فراخ
2 بيضات او 3
3 بصلات متوسطين
ملح+ ابزار +درس توم + فلفلة حمرة حارة +زعفران +خرقوم +معدنوس+الزيت +سكين جبير
شوية ديال اللحم هبرة تقريبا زلافة معمراش
الطريقة :
نغسلو الفراخ مزيان ونحاولو نفرق جلدة على اللحم و انوضعهم في خليط من الملح و شوية ديال الحامض محكوك بقشرتو و خل ونوضعهم على جنب
نقطعو اللحم قطع صغار
نوضعو اللحم و البصل مع العطرية و الزيت يتشحرو مزيان من بعد نضفلهم شوية ديال الماء و نغطيو عليهم باش طيب اللحيمة و تنزل لبصيلة
ملي يطيب الخليط و نشف من الماء نزيد عليه 2 بيضات او 3 على حسب تجمع لينا مع التحريك المستمر كنحصلو على هذا الخليط
كنخليوه يبرد
كنعمرو لفراخ ديولنا من الداخل مزيان و حتى بين الجلدة و اللحم و كنخيطهم من التحت و الفوق
كنوضعو فالكساس كيفورو واحد 40 دقيقة او قل هما قيطيبو داغي(الكساس كنديرو فيه الماء و قشور الحامض باش ميكحالش لينا)
ملي يطيبو نديرهم فالفران يتحمرو و بالصحة و الراحة
ملاحضة خصهم يتقبو ملي يكونو كيفورو باش ميطرطقوش انا نسيت متقبتهم ههههههههه وحمرتهوم بزاف ولاكن فالمذاق يا سلام روعة روعة جربوهم مغتندموش