رمضان كريم وجمعة مباركة لكل الاخوات
كيما وعدت اختي ام المجاهدين التي طلبت طريقتي في عمل المطلوع راني وفيت بوعدي وها هي الطريقة لها ولكن جميعا وان شاء الله تعجبكم
نحط السميد خميرة ملح توابل الخبز وسكر موضح بالصورة
نبدا نضيف الماء الدافيء وعجن حتي تصبح عندك عجينة بهدا القوام
نحطها في ساشي نظيف ونتركها حتي يتضاعف حجمها
ننزعها من الساشي ونعجنها مليح ما لازمش تكون طرية ياسر خاطر راح تعبك كي تجي طيبيها
بعد ما نعجنها مليح في الاخير نضيف مقدار ملعقة صغيرة زبدة ونعجنها بيها
بعد ما نعجنها وتندمج فيها الزبدة مليح نقرصها نخليها تريح 5دقائق ونبسطها في هده الاثناء نشعل الطابوبه باه يسخن الطاجين خاطر الجو سخون كون تخليها راح تهبط وما تنجحش بعد ما تكملي تقريص الخبزات ابداي طيبي وحطي الاولي اللي قرصتيها وهكدا حتي تكملي
راني شرحت بالتفاصيل المملة ان شاء الله راني قدرت نوصل المعلومة وبالتوفيق ومع الصور راح توضح
هي دير هده الفقاقيع قلبيها وكملي طيبيها مع التحريك المستمر
وهاي ليكم اشهي مطلوع بالتوفيق للجميع
ا
يعطيك الصحة اختي
بارك الله فيك
والله ياختي يعطيك الصحة يشهي بزاف
راح نجرب طريقتك ويارب ننجح
مكان غير هي تعمر سني رمضان مع الجاري فريك طبعا
نموت عليها
تسلم الانامل