السلام عليكم اخواتي
كيفكم وكيف احوالكم اسفة لتقصيري معكم كانت ظروفي مسمحتليش شوية ولكن كنتم ببالي وزعلانة من نفسي لتقصيري معكم لكن لاحظت ان المشاركات قلت كثيرااااااااا
هذه صور ستار المكرمية لكن ماكملتهاش حطيتلكم الخطوات الاولى كيفاه تخدمو كل خطوة كنت حطيت الشرح في الدروس الماصية
نقطة نظام الان 
عندكم واجب تعملوه وهو التدرب علي الغرز وكيفية شغلها
نبدأ الشرح بالصور
اولا نعقد الخيوط حوالي 40 خيط كي كل واحدة وعرض الباب نتاعها او النافذة وفي عصا او حامل للستارة كما شايفين الصورة هذي من الدرس الاول باه تفهمو مليح
ننتقل للخطوة الثانية
كل خيطين كي نضموهم يوليو 4 خيوط كما في الصورة ونستعملو غرزة النوبلا
اليك الرابط نتاع غرزة النوبلا
الدرس الاول: فن الماكرامي واول عقدة للبداية – منتديات حواء الجزائر | مجتمع نسائي متكامل
الخطوة الثالثة
نفس الغرزة اللي هي غرزة النوبلا نطبقوها حتى نكملو السطر الاول وننزلو للسطر الثاني ونكملو بنفس الطريقة كماراكم تشوفو في الصورة
وهكذا حتى نكملو
يخرجولنا ثلاث صفوف
كي كملنا النسيج اللي على شكل شبكة
نوليو نضمو الخيوط كل اثنين مع بعض ونطبقو غرزة التورساد
اليك رابط غرزة التورساد
الدرس الثاني:غرزة التورساد وغرزة الفيستون
ان شاء الله يكون الدرس مفهوم
اي استفسار انا هنا
كي نكملها نحطلكم الستارة
وريلنا تطبيقك