الخطوط البيضاء و الحمراء في فترة الحمل 2024.

للأسف أختي هاد الخطوط ماشي غير مع الحمل، فقدان الوزن و اكتساب الوزن المفاجئى تاني يخلي الخطوط البيضاء تظهر على الجسم، و السبب الرئيسي أننا نهملو ترطيب الجسم بشكل متكرر و مستمر، و الجسم كي يفقد الرطوبة يكون عرضة أكبر لهاد التشققات، و أنا صرالي هاد المشكل زدت في الوزن و عاودت نقصت و عاودت زدت و خرجولي و ما حبوش يروحو، و بديت نرطب جسمي لكن بشكل متأخر…حل ناجع و الله ما علابالي، نسمع بزيت جنين القمح كيما قلتي، أيضا خل التفاح و مبعدو تستعملي الزيت حتى تتشربو البشرة….

حتى انا اختي عندي بشرة جافة بزاف و ظهرولي في فترة المراهقة
و راني حابة نحمي البشرة من التشقق في فترة الحمل
لاني مرانيش حابة نتخيل بشرتي كيف غادي تولي لي راهم عندي يكفوني ههههههههه
بالنسبة لخل التفاح سمعت انه يشد البشرة لكن لازم تخلطيه مع زيوت اخري لانه ماشي مليح بوحده و الله اعلم

إيه كيما قتلك خل التفاح و موراه ديري الزيت مثلا زيت اللوز الحلو و زيت بذرة القمح، و بلا ما تنساي كلما دوشي ديري كريم مرطب، و حتى كي جي رايحة ترقدين يعني الترطيب لازم يكون بشكل دائم خاصة البشرة الجافة

و فيك بركة أختي، و سمعت أيضا أخت بالمنتدى تشكر في كريم اسمو biolane maman و هو في الحقيقة خاص بالحوامل لكنها تأكد أنو مفيد لغير الحوامل أيضا و مليح للسيليلوت، و كي حوست عليه في النت لقيت مكتوب في العلبة anti-vergetures، حوست في الصيدلية ما لقيتوش، إن شاء الله نكون أفدتك و كاشما نسمعو نفيدو بعض