من يومين شيخي (بابات راجلي( وقالو الطبيب عندك قرحة معدية والمعدة راهي في حالة …. ربي يشفيه
وعطاه ريجيم وقائمة ممنوعات وهي:
الحليب ومشتقاته
البصل والثوم
الدلاع البطيخ
العجائن
اللحم الاحمر
المقلي بالزيت او اي شئ فيه الزيت بزاف
المشروبات الغازية والعصائر الصناعية
خواتاتي اعطوني وصفات للبيون وعصائر فاكهة ماتكونش بالحليب مسكين ماراهو ياكل في والوووووو وجهو اصفر وتجيه الدوخة باينة طاحلو لاتونسيون
مفيد جدا للصحة
الوصفة بقلم صاحبتها
عدس احمر او اصفر
جزر
توابل و فلفل اسود
بابريكا وملح وزيت
بصل وثوم وفلفل اخضر طماطم حبات
نغسل العدس ونقطرو
من بعد نقطع الجزر والبصل والفلفل والطماطم الحب ونضيف التوابل والزيت والملح وشوية ما ونخلوه يتقلى مدة من بعد نضيف كمية من الماء قيس الطياب اصلا العدس الاحمر ما يديش وقت للطهو ونغلقو ونخلوه يطيب ويتشرب الما من بعد نرحوه في ميكسور ونعاودو نرجعوه يثقال شوية حسب الذوق
اذا تحبي تضيفي كمية من الطماطم المصبرة عادي
وهذه الصورة من عندي
تقدري تستغناي على لاكريم فريش
كان جدي مريض
كانت ما
ديرله حساء
حبة بطاطا
نص بصلة
2حبة زرودية ماء على حساب ما يطيب باش كي تطحنيها تجيك ثقيلة
ملح شوية زيت
لحم وكي يطيب وخريه
من بعد طحنيهم وزيدي الكفتة
وعصير كانت دير نتاع التفاح والبنان بدون اضافات يعني طحنيهم مع بعض
وربي يعلم والله يشافيه ويشافي المرضى
وصفة لعلاج القرحة المعدية و الإثنى عشرية
500غ مسحوق عرق السوس 100غ عسل نحل منزوع الرغوة
يمزجان جيدا يؤكل منه ملء ملعقة على الريق وقبل النوم
يرفق بنقيع نبتة البقلة أو الرجلة
ينقع مقدار ملعقتين صغيرتين من الأوراق فى كاس ماء مغلي مغطى لمدة 10د ويحلى بسكر نبات ويشرب منه بعد العشاء
الحمية
الأغذية الممنوعة
التوابل والفلفل والبهارات
الخضروات ذات الألياف
القهوة والشاي
والدخان
الحوامض والخضر المخللة
الخضر الغير كاملة النضج
الدسم والشحوم
المرطبات والمثلجات
المشروبات الغازية
عدم شرب الماء والبطن فارغة
الأغذية المسموحة بها للمريض
عصيدة نشاء الذرة
مسحوق الخضار الطازجة
البيض المسلوق
مرق اللحم غير الدسم
لحوم الأسماك غير المالحة
عصير الفواكه الطبيعية
الفواكه الكاملة النضج
عصير الكرنب خاصة قبل النوم
والله غير يغيض شيخي حتى مرتو ميتة ما عندوش اللي يتهلا فيه
يعطيك الصحة على الوصفة غادي نجربهم هادي وعدس ام منصف
يعطيك الصحة
الله يشافيه حنونتي و يعطيك ماتتمني …
دعوة الخير مليحة .