أريد وصفة الكيك 2024.

السلام عليكن رجاءا منكن أريد وصفة ناجحة للكيك

السلام عليكم اختي هذه طريقة الكيك المعتمدة عندي جربيها و متخافيش
3 بيض + 12 ملعقة كبيرة سكر + 12 مغرف زيت + 12 مغرف ك حليب + لافاني + باكي و نصف خميرة و من 8 الى 9 ملاعق كبار فرينة.

شكرا أختي راح نجربها و نقولك النتيجة

و الله جربتها و جاتني معجنة للأسف أختي ,,,واش يا بنات حتى وحدة ماعندها الوصفة كليتو عند وحدة و جا بنين و يتفتت

أنا نعملو هكدا

المقادير
2 و نص كيسان فرينة + ½ كاس حليب + ½ كاس زيت + 3 بيض + 1 خميرة + فاني أو زاست قارص.
الطريقة

1. ضربي البيض والفاني مع بعض زيدي السكر والحليب والزيت. و مبعد زديلهم الفرينة تكوني مغربلتها 3 مرات و المرة الأخيرة مع الخميرة (هادا هو السر باش يجي الكيك خفيف و السر التاني عمرك ما تضربي الفرينة بزاف و ردي بالك تستعملي الباتور فالفرينة برك خلطيها بالسباتيل من تحت لفوق غير شوية غير قد ما تتلم) .
2. ماتحطيش الفرينة ديراكت بقاي ترشي فيها بصفاية كبيرة فوق الخليط و تخلطي حتى تكملي الكمية كلها
3. امسحي القالب بشوية زيت و رشيه بشوية فرينة و مبعد حطي فيه الخليط
4. أنا ندهنو بالمعجون و نرشو باللوز افيلي و ندخلو للفور 180 (لازم تشعلي الفور قبل ما تبداي الخدمة و تكون النار خفيفة) و نخليه يطيب.
5. كي نخرجو نرشو بالسكر جلاسي و نقطعو

نتمنى نكون فدتك

شكرا

اختي سور تكوني قويتيلو الفور انا موالفة نديرو و يجي هايل و هدا المرة نديرو و نصورو علاجالك

شكرا اختي ربي يجازيك

اختي راني حطيت الوصفة في منتدى اخر غبر علاجالك درت الموضوع هاوليك الرابط
https://www.4osraty.com/vb/showthread.php?t=21258

merci okhtii rabi yjaziik