آهلا و سهلا بفحلات المنتدى 
موالفة ندير فلان الطبقات بصح جامي جربت نتاع البسكويت أملا كنت ندور في النت طلعتلي الوصفة غلطة قلت نجربه و هذي الوصفة :
نحتاجو علبة بسكويت ( بيمو ) 2 علب فلان ( وحدة فيها كراميل و الأخرى عادية ) 1 لتر حليب
نجيبو كاسرونة نقسمو الحليب لقسمين ( نصف لتر ) و نحطو علبة الفلان الأولى على نار هادئة و نبدو نخلطو و في نفس الوقت نجيبو المول و نحطو عليه الكراميل
بعد غليان الفلان نجيبوه و نحطوه في المول ( تقدري ديري مول كبير أنا اعتمدت على الصغار و كل وحدة على شكل )
بعدها ندخلوهم للثلاجة باه يجمدو و يبردو و بعد متشوفي أن الفلان جمد خرجيه و حطي في كل مول حبة نتاع بسكويت و تقدري تحطي معها قطع صغيرة فواكه أنا اعتمدت على قطع صغيرة خوخ و في نفس الوقت تكوني حطيتي نصف لتر الحليب المتبقية و علبة الفلان الثاني على النار و كي تشوفيه بدا في الغليان تفرغيه في المول الصغار
بعدها ترجعيهم للثلاجة و تخليهم يبردو و يجمدو و تقدميهم للسهرة يجي روعة
العفو غاليتي
تاكلو بالصحة والهنا
شكرا بصحتكم…