على أبواب العيد 2024.

قريبا سنقول وداعا لطاولة رمضان و مرحبا بطاولة العيد
لكن كثيرات محترات في الحلويات التي سيعددنها و كيفية الحفاظ عليها طرية مع هذا الحر
فلنتعاون حبيباتي و لتقل كل واحدة ماذا ستعد من حلوى
أنا عن نفسي دائما 4 أنواع واحدة جافة، الثانية معسلة، الثالثة: بالشكولاطة و الرابعة: مطلية أو مسكرة
و أنتن ؟؟؟؟؟؟؟؟؟؟؟؟؟؟

باقة أزهار وورود

وسلة بخور وعود

والعيد عليكم يعود

وكل عام وانتم بخير

,,,,,,,,,,,,,,,, ,,,,,,,,,,,,,,,,,,,,, ,,,,,,,,,,,,,,

اسأل من اعد العيد

وطوى الشهر الفقيد

يمدكم بعمر مديد

يجعل حياتكم عيد سعيــد

مبادرة طيبة اان شاء الله تلقى تفاعل

أنا ناوية ان شاء الله مقرود و قاطو بيمو و نديو أفكار من بعض

انا اندير بقلاوة ومقروذ وبوسو لا تمسو وحلوة عين لجمل وصح رمضانكم وصح عيدكم

انا نازية انشاء الله بقلاوة ليريس بوفريوة المعمول والقروط رآه عندي درت في النصفية ربي يقدرني انشاء الله

اللي تعمل بقلاوةة شابة تحط لنا الطريقة و ربي يبارك فيكم

بما انك طلبتى الطريقة نقولك وانشاء الله كنديرها نصورها لكم اختى الطريقة هذى درتها ومتكلف ماتعب ……………..نعطيلك مقادير انتاع لبلاطوا انتاع الفور ………………………………………….. ………………………………………. 1_ كاس حليب … زائد كاس زبت ….زائدحبة بيض..زائدمغرفة تاع قهوة خمارة….زائدفانيلا وجازت تاع القارص.زائد الفرينة…….خلطهم مليح بلفرشيطة وطمها بلفرينة بدون ماتعجنها طمها برك يعنى لوحى الفرينة حتى تتحصلى اعلى عجينة خفيفة مهيش يابسة كما قتلك متعجنهاش ومبعد قطعها قرصات قرصات قد حبة البيض او اقل وديرى 34 او 35 قرصة او اكثر مش مشكل المهم كثرى القرصات وحطهم فى جفنة داخل الثلاجة مدة 3 ساعات ومبعد خرجها من الثلاجة تلقاى الزيت خرجت من العجينة …ونسيت انقولك اعلى النشاء …..فى طاولة انتاعك ديرى نشاء وحطى القرصة انتاع لعجين وحليها مليح وفوق لعجينة ثانى ديرى النشاء وحطها بجنب وكررى عملية حلان لعجينة حت تكملى 16 او 17 قرصةكل ماتحلى لعجينة حطيها فوق بعضاها ومبعد عاودى حلى لعجينة اللى حطيتها فوق بعضاها وكسلها قيس لبلاطو انتاعك وحطها ودهنى لبلا انتاعك بزبدة وحطى لعجينة الاولى اللى حلتيها ملاحضة قسمى قرصات قبل ماتبداى فى الحلان باه ماتغلطيش فى لحساب قسمهم متاسوين واذا جات وحدة بزيادة مش مشكل حطيها مع الاول ومبعد حطى العقدة انتاعك تاع كوكاو او اللوز انت ومقدورك ملاحضة العقدة تاع البقلاوة لازم اتكون ناشفة مهيش مبلولة بزاف غير اشوى ديرى المازهر قيس متشمخ اشوى لازم اجى ناشفة وحطى العقدة ومبعد عاودى حلى القرصات اللى ابقاو وحطى اعلى بعضاهم كما الاول ومبعد حليهم كامل وحطيهم فوق العقدة وسقمى مليح وقطعها …..ملاحضة لوكان اتقطعيها باالطابع تاع البقلاوة احسن راه موجود فى السوق يشبه لطابع تاع المقروط لكن هو حديداى تاع لينوكس او الللمنيوم …ومبعد ماتقطعها ديرى الزبدة او مرقرين علبة 500غ سيحها فوق البقلاوة كتعمر لبلا تاع البقلاوة بلدام و لوحها فى الفور مدة 10 او 15 دقيقة تطيب وعند خروجها من الفرن اسقيها بلعسل كما اعويدنا صدقونى المدة لكتبت فيها طريقة انتاعها اندير منها 2 او 3 بلاطوات تاع الفور ملاحضة هذه المقادير قطعت لى اكثر من 70 حبة انا درت المقادير هاذى وطيبت وحدة فى الدار وثانية طيبتها فى الكوشة تاع برا نفس المقادير لكن لبلاطوا تاع برا درتو شوى كبير تحصلت اعلى 70 حبة والفور تاع الدار قطعت اقل ممكن نشرح اكثر لو هنا ك سؤال وشكرا

السلام عليكم أنا ناوبة أنشاء الله ندير حلوة الطابع حلوة كرات الشكولا و المسكرة و المسكوتشو ة كل عام وأ نتم بخير

ممكن تساعدكم هذه الروابط

مشيمشة ساااااااهلة

حلوى بالشكولا البيضا

شاراك بالجلاصاج (فاغ بيستاش) ، كوكياج تاني بالجلاصاج مارون، مقروطات الظفيرة و الفانيد

حلوة طابع بشكل طبقات

جريوش الكرموسة

أما للأطفال

حلوة شيراز

حلوة العصافير بلا طابع

يمممممممممممم